Oppdatert:
02.09.2010

Fagsider

  Andre skular på Stord litlabø skule tjødnalio skule leirvik skule langeland skule hystad skule rommetveit skule sagvåg skule stord ungdomsskule

Comenius

23.08.10
Felles foreldremøte 8.trinn!
I kveld er det felles foreldremøte for føresette til elevane på 8.steget. Me byrjar med ei samling i musikkrommet. Her vil rektor gi generell info om skulen og drifta. Vidare vil skulen sine MOT-informantar gjera greie for kva aktivitetar dei har ansvar for og korleis elevane vert involverte i dette arbeidet. SLT-koordinator og Utekontakten vil informera om deira arbeid, og representant frå Frivillegsentralen vil rekruttera til Natteravn-tenesta. Siste del av møte vert klassevis. Då går føresette til klasseromma samen med kontaktlærarane til elevane.

Vel møtt til klasseforeldremøte i kveld, onsdag 1.september  kl.18.00 på Nysæter ungdomsskule!

                                                                                                            Tekst: Pål Roseth
 

23.08.10
Nasjonale prøvar hausten 2010.
Her finn du oversikt over datoane for nasjonale prøver hausten 2010. Nytt av året er at nasjonal prøve i lesing og rekning også skal gjennomførast på 9. trinn. Elevane skal ta dei same prøvane som elevane på 8. trinn på same tidspunkt. jfr. St.meld. nr. 31 (2007-2008) Kvalitet i skolen.

Datoar for Nasjonale prøvar hausten 2010. Klikk her>>

Informasjon til føresette om Nasjonale prøvar. Klikk her>>

                                                                                                            Tekst: Pål Roseth
 

10.08.10
Skulestart!
Då var endeleg tida komen, flagget heist og alle elevane på plass og klare for eit nytt skuleår! Tradisjonen tru, var det fellessamling i gymsalen, der rektor ynskte velkommen og lærarane song for elevane! Etter presentasjon av nye lærarar og kontaktlærarar på 9 og 10 trinna, var det tid for namneopprop av alle 8.klasseelevane. Deretter gjekk dei samen med sine respektive kontaktlærarar til klasseromma sine. No ser me fram til å koma skikkeleg i gang med skuleåret og eg kan lova alle elevar topp motiverte og skarpskodde lærarar og assistentar!! Me ynskjer kvar andre lukke til med skuleåret!      

                                                 Tekst: Pål Roseth, Bilete: Gisle Hjelmen           

10.08.10
Snart klart for skulestart!
Då er det straks klart for skulestart ved Nysæter ungdomsskule. I sommarferien har skulen fått ny farge! Ikkje lenger brun og litt trist, men lys og innbydande! (No kan ein ikkje skapa gull av gråstein, men det er blitt mykje betre enn det var...Takk til Drift og vedlikehald!)
Elles er det også i år endringar i høve sist skuleår. Me får nye kollegaer og jammen har ikkje departementet kome med (nok) ei endring med omsyn til føring av fråvere og krav til dokumentasjon. (Sjå lenkje!). Alle elevane vil få med heim Info-heftet første skuledagen, onsdag 18.august. (Eg oppmodar alle føresette om å spørja borna/ungdomane etter Info-heftet!). Her finn de viktig informasjon om skuletilbodet og andre ytingar me skal gje elevane og føresette. De vil også finna Info-heftet digitalt. (Sjå lenkja "Informasjon" på heimesida).
Det er også endringar i administrasjonen dette skuleåret. Anne Sissel har valt å praktisera "læraren" i seg 100%! (Gled dykk, ungar!) Anita Eriksen skal vikariera som assisterande rektor komande skuleår. Vidare har me valt å dela sosiallærarressursen mellom ass.rektor og rådgjevar. Dei vil då få 75 % adm.tid kvar, noko me trur vil gjera all sakshandsaming meir fleksibel og effektiv.

Det er hektiske veker før skulen tek til, og mykje som skal på plass. Merete (rådgjevar) og Anita (ass.rektor) er i full gang med førebuinga av komande skuleår!

Endringar i forskrift til Opplæringslova, m.a. føring av fråvere i grunnskulen, § 3-41   Klikk her>>  

Info-heftet 2010-11 i pdf. Klikk her>>
 

Då ynskjer me elevane vel møtt til nytt skuleår med oppstart onsdag 18.august kl.08.30!                                                                                                      
                                                                                            Tekst og bilete: Pål Roseth
 

10.08.10
Sommarferie!
Då er det straks ferie for alle som jobbar ved Nysæter ungdomsskule. Men før feriefreden senkar seg, skal det gjerast reint og ordnast slik at skulen er på strekk til å ta i mot lærarar og elevar ved skulestart 18.august! Borgny og Gro har full kontroll med mopp og bonemaskin! Me er heldige som har desse flinke og kjekke damene som syt for at me har reine og trivelege lokale til ei kvar tid! Skulen er etter kvart "godt brukt", og det er ikkje like lett å få gjort golv og vegger reine. Men me veit at når me kjem att i august skin det av golva og det luktar reint og friskt i heile bygget!Også utomhus skal det gjerast

arbeid arbeid i sommar. Desse karane held på å skifta rotne bord i "kassane" over vindaugo. Så skal det vaskast og malast. Når me kjem att i august er skulen lys grå! Det ser me fram til.

Info til nye og noverande elevar og føresette.

Her kan du finna ut kven du skal ha til lærar til hausten! Klikka her>>

Her er skuleruta for komande skuleår.
Klikka her>>                                                                                    Tekst og bilete: Pål Roseth
 

24.06.10
Skuleavslutning og sommarferie!
Måndag 21.juni var siste dagen for elevane på 10.trinnet ved Nysæter ungdomsskule. Det er blitt tradisjon at føresette steller i stand avslutningsfest i Samfunnshuset. Dette er ei skikkeleg "dugnadsøkt", der føresette lagar i stand eit fantastisk koldtbord og pyntar salen til fest. Elevane kler seg i finstasen og syt for underholdning frå scenen. Som tidlegare år, var her både dans og musikkinnslag. To av elevane var programleiarar og styrte denne feststunda med stødig hand og latteren på lur! Elevane fekk vitnemåla sine, lærarar og rektor takka for fine år samen på Nysæter, medan føresette fekk sine bilete av dei håpefulle! Me vil nytta høve til å takka alle for den fine avslutningsfesten og ynskjer alle avgangselevane våre lukke til vidare med utdanning og livet som ligg føre dei!

Vil du sjå fleire bilete frå avslutningsfesten? Klikka her>>

       Tekst og bilete: Pål Roseth

07.06.10
Føring av fråvere på vitnemålet.
Viser til forskrift til Opplæringslova § 3 – 41.
”Frå og med 8. årstrinnet skal alt fråvere førast på vitnemålet. Fråver skal førast i dagar og enkelttimar. Eleven eller foreldra kan krevje at årsaka til fråveret blir ført på eit vedlegg til vitnemålet. Dette gjeld berre når eleven har lagt fram dokumentasjon på årsaka til fråveret. Dersom det er mogleg, skal eleven leggje fram dokumentasjon av fråveret frå opplæringa på førehand. For inntil 14 skoledagar i eit opplæringsår, kan eleven krevje at følgjande fråvere ikkje vert ført på vitnemålet:

a. dokumentert fråvere som skuldast helsegrunnar
b. godkjend permisjon etter opplæringslova § 2-11.

For dei elevane som går ut frå Nysæter ungdomsskule våren 2010 vert det berre ført fråvere på vitnemålet frå skuleåret 2009 – 2010 jf. informasjon frå Utdanningsdirektoratet.

NB!
• Føresette må krevja at fråvere ikkje skal førast. (Inn til 14 skuledagar i opplæringsåret. Jfr. Forskr til  Oppl.lova §3-41, fjerde ledd.)
• Enkelttimar kan ikkje konverterast til dagar.
• Timar vert ført i 60 min.økter.
• Enkelte elevar kan av ulike grunnar koma opp i eit dokumentert fråvere som overstig 14 dagar grunna sjukdom, idrettssamlingar, turar m.m. Her kan eleven eller føresette krevja at årsaka vert ført på vedlegg til vitnemålet.
• Oversyn over tal fråversdagar og timar vert sendt heim som "ranselpost".

Frist for å søka om fråtrekk 14 skuledagar og dokumentert fråvere på vedlegg til vitnemålet er sett til onsdag 16.juni 2010.

Les om føring av vitnemål i grunnskulen her >>
 

       Tekst: Pål Roseth

28.05.10
Endeleg litt sommar...
På den fyrste sumardagen i år tok 9A seg ein picnic. Som ein del av opplæringa i mat og helse fekk dei læra om korleis ein pakkar ein sekk, kva ein tek med seg, korleis me nyttar (eller ikkje nyttar) eit stormkjøkken og korleis me tenner opp bål. Me poppa popcorn, grilla pølser og laga oss rundstykker med pålegg. Undervegs tok me for oss kva naturen sjølv har å by på av mat til salater, kaker og eventuelt snop. Elevane kosa seg og leika også ein pinneleik i vår vakre natur!

Sjå bilete frå picnic her>>>

Tekst og foto: Turid Tvedt Gjellestad

22.04.10
"Mi sterkaste side!"

Elevane i 10.klassse gjennomfører i desse dagar prosjektet "Mi sterkaste side" i musikkfaget. Prosjektet går ut på at elevane set samen ei framføring der dei viser kva dei kan best innan musikk. Framføringa vert vist for resten klassen. Det har til no vore fleire særs gode framføringar med m.a. song, piano, fiolin, gitar, trompet, dans og foredrag om kjende artistar. Elevane har gjort ein flott jobb, og det har vore svært kjekt å få oppleva alle dei store talenta me har på skulen vår!

Sjå bilete frå framføringar her>>>

Tekst og foto: Elisabeth Grov

22.04.10
Boka om meg sjølv!

Elevane på 9.trinnet har den siste tida m.a. jobba med "Boka om meg sjølv". Dette er eit prosjekt der fleire fag er med. Prosjektet har hovudvekt på faga norsk og kunst og handverk. 10.trinnet har også hatt "bokbindarkunsten" som tema. I kunst og handverk har dei laga bokomslag. Her har ein nytta ulike teknikkar, og det er kreative løysingar og flott arbeid som vert vist fram..

Sjå bilete frå prosessen og døme på dei ferdige produkta her>>>

Tekst og foto: Pål Roseth

22.04.10
Kveldsøkt med noko attåt!

Lærarane på Nysæter har 4 kveldsøkter i løpet av arbeidsåret. Dette er timar som er sett av til ekstra samarbeid kring ulike tema. Det er ikkje alltid like motiverande å gå ut att på jobb om ettermiddag og kveld, sjølv om ein ser både nytte og verdi av sjølve arbeidet. Då er det spesielt kjekt å ha ein "gourmetkokk" på laget, som kan frista den mest kresne (og bortskjemte) blant oss. Frode Dyrhol er ein meister i sitt fag, og denne hustrige aprilkvelden hadde han diska opp med herleg tapas! (Det får heller våga seg at matøkta drog litt ut..) Samstundes kjekt å kunna feira ein av dei tilsette (Vidar ville vera anonym...) sin fødselsdag!

Takk Frode for framifrå mat og til dykk andre for god innsats denne kvelden!

Tekst og foto: Pål Roseth

22.04.10
Comeniusbesøk!

Her ser de elevar frå Nysæter us samen med Comenius-vener frå Frankrike og Danmark. Biletet vart teke då me var på besøk i Danmark i oktober i fjor. Her er heile gjengen ytst på Grenen, Danmarks absolutte nordlegaste punkt! Søndag 16.mai kjem det elevar og lærarar frå Frankrike og Danmark på besøk til Nysæter ungdomsskule. Dei skal vera her heile veke 20 og m.a. feira 17.mai samen med elevane våre. Dei franske og danske elevane skal bu privat hos vertsfamiliar med elevar på NUS. Det er eit tettpakka program for veka, med m.a. tur med veteranskipet Granvin gjennom Kulleseidkanalen til Brandasund.

Gå inn på lenkja (Jordklode-dråpen) og sjå bilete frå turane elevane våre har hatt til Danmark og Frankrike.

Tekst og foto: Pål Roseth

19.04.10
Info til engelsk skrivedag.
Onsdag 21.april skal elevane på 10.trinn ha tentamen/prøveeksamen i engelsk.
Førebuingsmateriellet finn de her >>

Adressa:     https://pgsf.udir.no/PreparationRooms/PreparationRoom4/Default.aspx

Passord:      Engelsk.Forb

Lukke til!!

Tekst: Pål Roseth

19.04.10
Info til elevar og føresette på 9. og 10.trinn. 
Standpunktkarakterar på 9. og 10. trinn.
Det byrjar å nærma seg det tidspunktet at elevane på 10. trinn skal få sluttvurdering (standpunktkarakter) i dei ulike faga. Dette gjeld også for faget mat og helse på 9. trinn.

Standpunktkarakteren skal gje informasjon om den kompetansen eleven har oppnådd i faget ved avslutninga av opplæringa jf. Forskrift til Opplæringslova (FtO) §§ 3-3, 4-4.
Standpunktkarakteren skal uttrykka eleven si meistring i høve til dei samla kompetansemåla i faget etter 9. /10. trinn.
Særskild tilrettelegging av eksamen (Forskrift til Opplæringslova § 3-32).
Elevar med spesielle vanskar kan ha behov for eigne ordningar under den skriftlege eller munnlege eksamen. Ved den skriftlege eksamen kan eleven normalt få inntil 1 klokketime i tillegg til den ordinære tida. Det kan også tilretteleggjast for lesesvake elevar, slik at oppgåveteksten kan bli lesen opp under eksamen. På grunnlag av fråsegner av nyare dato frå eleven, føresette og sakkunnige tek rektor i kvart tilfelle avgjerd om kva slags ordningar som skal nyttast.

Søknad om særskild tilrettelegging under eksamen må stilast til rektor.
Søknadsfristen vert fredag 30. april 2010.

Les heile brevet her >>

Tekst: Pål Roseth

14.04.10
Skrivedag for 10.trinnet. 
Fredag skal 10.trinnet ha tentamen i norsk hovudmål. Dei treng då tilgang til informasjon som ligg på Internett.
Dei skal nytta denne lenkja..     https://pgsf.udir.no/PreparationRooms/PreparationRoom7/Intro.aspx

Og dette paassordet:                     GS.Forb.Norsk
 

Lukke til!

08.04.10
Kosar seg på klubben! 
Mange av elevane våre nyttar Litlabø fritidsklubb kvar måndag og torsdag. Klubben er eit tilbod til ungdom mellom 13 og 18 år, og er eit kjærkome tilbod i tillegg til alle dei "organiserte" fritidstilboda i bygda. Ungdomane nyttar klubben då det er veldig sosialt i tillegg til alle dei kjekke aktivitetane dei finn her. Blant tilboda finn ein biljard, bordtennis, spele i band, kortspel m.m. Ungdomane står sjølve for drifta av kiosken og arrangerer felles turar. Før påske drog dei på skitur til Sauda!

Me vil retta ei stor takk til dei som står bak dette framifrå tilbodet og til ungdomane sjølve som er med og held det i gang!

Tekst: Pål Roseth, bilete: Kristine Brandsdal Barane og Synne Fadnes

26.03.10
Medieprosket på 10.trinnet.
På 10.trinnet har me i veke 11 og 12 jobba med media som tema. Elevane har fått 10 timar pr.veke til dette prosjektet. Elevane har arbeidd i grupper på tvers av klassane og stått veldig fritt i kva produkt/form presentasjonane deira skulle munna ut i. Vurderinga av produkta skal karaktersetjast i faga norsk og kunst og handverk. Elevane har arbeidd godt både heime og på skulen med dette prosjektet. Ved presentasjonen fredag 26 mars var det svært høg kvalitet på mange av produkta som vart vist fram, og elevane var eit framifrå publikum for kvarandre gjennom presentasjonsøkta. Etter at presentasjonane var ferdige, rydda lærarar og elevar i dei ulike romma som var nytta under prosjektet. Det heile vart avslutta med ei fysisk økt i gym-salen!
Lærarane er særs nøgde med kor kreative og flinke elevane har vore i dette prosjektet.
Me ynskjer alle ein god påskeferie!

     Fleire bilete frå presentasjonane finn du her>>

Tekst og bilete: Anne Sissel Mugaas

03.03.10
We did feel the love tonight!
Det var full sal på Nysæter ungdomsskule då "teppet gjekk opp" for 8.trinnet si framsyning "Can you feel the love tonight?" - der tema var 60-talet, med musikk, dans, mote, flørt og ungdomstid! Føresette, søsken, besteforeldre og lærarar var imponerte og veldig fornøgde med det me fekk sjå og høyra. Her var fellesnummer der alle 75 elevane var med både i song og dansenummer. Mindre grupper eller

 einskildpersonar framførte musikk og sketsjar. Ei gruppe hadde jobba med film og både elevane og lokalet var pynta i "tidsrette" klede og kulissar.

       
         Fleire bilete frå framsyninga finn du her>>

Tekst og bilete: Pål Roseth

03.03.10
Do you feel the love to night?
8.trinnet held på med eit prosjekt der dei fleste faga er integrerte. Fokus er likevel musikk og kropsøving. Elevane er delte i grupper på tvers av trinna, og denne veka har timeplanen vore delvis oppløyst. Tema for prosjektet er "60-talet!" Ulike grupper har jobba med dans, orkester, kulissar, rap-tekstar, film og foto med mykje meir. Dette er ei arbeidsform som me alle syns er det er kjekt å nytta iblant. Det er merkbart god stemning på huset og alle ser fram til den store dagen komande torsdag. Då vert det framsyning for føresette på skulen kl.18.00 (Invitasjon kjem!!)

Fleire bilete frå øvingar finn du her>>

Tekst og bilete: Pål Roseth

03.03.10
Klimamysteriet!
Torsdag i midttimen fekk me storfint besøk på Nysæter ungdomsskule. Då kom leiar for "pedagogisk avdeling" i Microsoft Norg, Jan Helge Luth, med helsing og gåve til lærarar og elevar ved skulen. Årsaka er deltaikng i det verdsomspennande prosjektet "Klimamysteriet". Dette var eit nettbasert spel som handlla om klimautfordringane og vart avslutta i samband med den store klimakonferansen i København. Lærarar og elevar ved NUS fekk utmerking grunna ekstra god innsats og djup involvering i prosjektet. M.a. vert det peika på at dei hadde involvert andre store aktørar, som Norges Miljøvernforbund og Aker RGI. Ein av lærarane, Knut Arve Nordfonn fekk ekstra påskjønning for engasjement og innsats. For dette vart han invitert til ein tre dagars konferanse i Berlin. Her vil han møta m.a. deltakarar frå heile verda og høyra om korleis elevar og lærarar har jobba med oppgåver og utfordringar knytt til prosjektet.

Vil du lesa meir om Klimamysteriet, klikk her>>
Fleire bilete frå Microsoft si vitjing finn du her>>

Tekst og bilete: Pål Roseth

03.03.10
Eksamensførebuing i engelsk måndag 08.03.10
Måndag 8.mars skal elevane på 10.trinnet ha "skrivedag" i engelsk! Dette er eit viktig arbeid i førebuinga av eksamen som kjem "før du veit ordet av det!".

Du finn førebuingsmateriellet ved å klikka her>>

03.03.10
Kva skal eg bli når eg vert stor?
Måndag 1.mars kl.24.00 var fristen for å søka vidaregåande skule. Dette er slett ikkje noko enkel prosess for elevane våre. Veit ein kva ein vil jobba med i framtida når ein er 14 - 15 år gamal? Rådgjevar ved skulen vår, Merete Fjellheim (biletet) har snakka med samtlige av 10-klassingane. Det har vore besøk på skulen frå ulike verksemder og vidareutdanningsinstitusjonar. Elevane har vore på besøk i lokale verksemder og prøvd seg med yrkesutplassering. Likevel er valet vanskeleg for veldig mange.

Du kan lesa meir om kva våre og andre ungdomsskuleelevar meiner om valet og overgangen til vidaregåande skule.

Les artikkel i Bladet Sunnhordland her>>

                                       Tekst: Pål Roseth, foto: Bladet Sunnhordland

18.02.10
VURDERING.
Informasjon til elevar og føresette om endringar i Opplæringslova.
Heile kapittel 3 i forskrift til Opplæringslova vart endra med verknad frå 01.08.2009. Forskrifta gjeld no både for grunnskulen og den vidaregåande opplæringa. Dette er eit omfattande dokument som elevar og føresette bør ha kjennskap til. Dei mest aktuelle delane av dokumentet finn de ved å følgja lenkja i dette innlegget. De kan også følgja lenkjene "Informasjon" - "Vurdering" i menyen på heimesida. De må spesielt merka dykk følgjande paragrafar:
§3-3. Grunnlag for vurdering i fag.
§3-5. Grunnlag for vurdering i orden og åtferd.
§3-7. Varsling
§3-18. Standpunktkarakter i fag.
§3-20. Fritak for vurdering med karakter for elevar med individuell opplæringsplan.
§3-40. Vitnemål i grunnskulen.
§3-41. Føring av fråvere i grunnskulen/på vitnemålet.

(Denne infoen vert også sendt som "ranselpost".)

Du finn forskrifta ved å klikka >>                                      Tekst: Pål Roseth

18.02.10
Meir praktisk øving!
Dei siste vekene har det gått føre fleire praktisk retta elevarbeid på NUS. 8.trinnet har hatt studentar frå faglærarutdanninga i musikk frå HSH. I samband med praksisen hadde elevane ein avslutningskonsert for 9.trinnet. Her framflrte dei eit "fellesnummer" der alle elevane var med i koret. Dei song "Breaking up is hard to do" med stor innleving! Vidare hadde kvar klasse skrive ein song kvar, der tekstane omhandla det meste frå livet som ungdom til "kule lærarar og hippe klassar"! (Eller var det omvendt..)

9.trinnet har hatt eit praktisk prosjekt der dei m.a. har bygd hus og laga "kvernkall". Det er viktig å variera arbeidsmåtane i undervisninga og ikkje minst gje elevane høve til å jobba praktisk! Det har vore kjekt å sjå at sløydsalen har vore nytta. Det er diverre ikkje dagleg ein kjenner lukta av høvelflis og spon i skulen...

 

Fleire bilete frå "praksis"

   finn du her>>

Tekst: Pål Roseth,
foto: Turid Gjellestad, Anita Eriksen, Pål Roseth

12.02.10
Praktisk øving!
Elevane på 9.trinnet har siste tida hatt øvingar i naturfag. For tida er det elektronikk som står på dagsorden. Det kjem ofte kritikk mot skulen at det er for mykje teori og lite praktisk arbeid. Dette har lærarane som underviser i naturfag på NUS verkeleg gjort noko med. Dei har rusta opp naturfagavdelinga og fått på plass utstyr og materiell slik at elevane verkeleg kan få prøvd teorien ut i praksis. Og resultata er både synlege og kan høyrast (!).

Og etter endt øving er det utdeling av "Loddesertifikat"!

 Fleire bilete frå øvingane finn du her>>

Tekst: Pål Roseth, foto: Inger Flatebø og Knut Arve Nordfonn

15.01.10
Eksamen vår 2010.
Eksamen for 10.trinnet vert avvikla i veke 20 og 21. Utdanningsdirektoratet har no lagt ut info på sine sider. Klikka deg inn på lenkjene og les meir om Eksamen i grunnskulen våre 2010. Me kjem attende med meir info om eksamen på NUS etter kvart.

Informasjon trekkfag. Klikk her >>
Informasjon eksempeloppgåver. Klikk her>>

Tekst: Pål Roseth,

15.01.10
Godt i gang!
Då var skuleåret godt i gang, og elevar og lærarar har vore flittige både i klasseromma og ute i den flotte vinteren! Me har nytta nærområdet både i skogen og på vatnet! Det er framifrå fine muligheter i nærområdet til skulen vår. Me har også fysisk aktivitet som sentralt satsingsområde. Då høver det å nytta uteområdet til vinteraktiviteter. Det gjev variasjon i aktiviteter og fenger absolutt hos elevane.

Tradisjonen tru får me kvar januar besøk av musikklina ved Stord vidaregåande skule. Dei kjem og viser kva musikklina har å by elevane. Konserten deira er særs populær hos elevane (og lærarane) våre! Og me sluttar aldri å bli imponert over mangfald og nivå hos dei unge "studentane"! Ulike grupper presenterte ulike stilartar, og dei hadde arrangert musikken for rimeleg "utfordrande" besetningar! Me ser allereide fram mot neste besøk!

Fleire bilete frå uteaktivitetar finn du her>>
Fleire bilete frå konsert med musikklina finn du her>>

Tekst: Pål Roseth, Foto: Eli Rimmereide, Pål Roseth

09.12.09
God Jul!!
For andre året på rad hadde Nysæter ungdomsskule juleavslutning i gym-salen siste dagen før jul. Elevane hadde sett samen programmet og sto sjøløve for programleiinga. Det var mykje fin musikk og nokre vågale eksperiment, leia av skulen sin eigen Dynamitt-Harry!!

No håpar me alle elevar og tilsette ved skulen får ein retteleg god juleferie. Så ser m framtil å møtast att 4.januar!     

                        God Jul!

09.12.09
Juleverkstad og Julaball!
Då var det tid for Juleverkstad på Nysæter ungdomsskule. Elevane har meld seg på ulike aktivitetar onsdag og torsdag, og har kunna velja mellom kafe´, julepynt, spel og hobby, sløyd, kjemi og fysikk, film, musikk, gym/symjing, bordtennis og skeiser for å nemna dei fleste. Elevane er samla på tvers av trinn og den vanlige timeplanen vert "lagt på hylla". Det er stor iver og innsats på dei ulike gruppene og ei av dei ivregaste er dei som steller til Juleballet! Så onsdag kveld samlast festkledde ungdomar til pizzafest og dans i gym-salen på skulen. Føresette og lærarar ser til at alt går høveleg føre seg (?). Dette er ein veldig kjekk tradisjon, tilliks med Juleverkstaden, og markerer samstundes avslutninga på haust-halvåret.

 Det har vore ekstra stor aktivitet i musikk-gruppa! Ein av våre nye musikklærarar har fått med seg ein kollega frå bandet han spelar i "Kobayashi", og me har snekra og sydd etter akkompagnement av tunge gitarriff! Tøft! På fredag, siste skuledagen, skal dei ulike gruppene som har øvd under Juleverkstaden, ha framføring i gym-salen for heile skulen. Dette var eit arrangement me starta med i fjor. Det vart ein stor suksess, så me vonar og trur det vil bli ein tradisjon siste skuledagen før jul!

 

Vil du sjå fleire bilete frå Juleverkstaden? Klikk her>>

 Tekst Pål Roseth, foto Elisabeth Grov og Pål Roseth

09.12.09
Prøve-prøvemunnleg!
Måndag 14. desember skal elevane på 10.trinnet øva seg i munnleg eksamen. Sjølv om det er 5 månader til det verkeleg skal gå føre, er det viktig å bli vand med denne spesielle situasjonen. Elevane fekk utdelt oppgåvene fredag 11.12 og har jobba ein dag på skulen med rettleiing frå faglærarane sine. Så skal dei nytta helga til å førebu framføringa og lesa seg opp på emnet dei har trekt. Dei har vore motiverte og jobba målretta på skulen. Då står det att å sjå om dei hoppar over juleshopping i helga og grev seg ned i fagstoff om stortinget eller den franske revolusjonen i staden!

Vil du sjå fleire bilete frå førebuinga? Klikk her>>

 Tekst Pål Roseth, foto Anne Sissel Mugaas.

09.12.09
Miljølærdom gjennom dataspel og bedriftsbesøk!
 Måndag 7.desember vitja 10.klassane ved Nysæter ungdomsskule Aker Stord og fekk læra om CO2-fangst. Klimasaka har hatt ei sentral rolle i naturfag for elevane på 10.steget dette skuleåret. Dei har m.a. arbeidd med Klimamysteriet, som er eit tverrfagleg, nettbasert dramatisk læringsunivers. Det er ei interaktiv forteljing som engasjerer elevane globalt i høve til miljø og klimautfrodringane. Måndag morgon sat alle elevane og fleire lærarar i "skulestova" hos Aker Stord og fekk informasjon om co2 fangst og gjenvinning av stål. Lærar Knut Arve Nordfonn ved NUS kan fortelja at elevane har jobba mykje med dei globale klimautfordringane i haust. Etter nyttår er planen å dra til Wartsila på Bømlo og studera eit banebrytande teknologiprosjekt om brenselcelleteknologi. Nysæter ungdomsskule samarbeider med IKT-avd. ved HSH og ITU, som er eit nasjonalt nettverk som skal bidra til å omdanna utdanningssystemet. Målet deira er m.a. at elevar, studentar og lærarar skal verta personleg brukarar av IKT                                                                                                                                               
Tekst og foto frå Bladet Sunnhordland

26.11.09
Tentamenstid!
"Kva skal elevane ha med seg på tentamen? Kan dei ha med snop og brus? Kan dei ta med Red Bull?" Har du høyrt spørsmåla før? Ikkje? Her er nokre tips, formaningar og "forbod"!

Mat. Elevane må eta frukost og ha med vanleg niste (Ikkje kantine desse dagane!). Kan ha med litt "hjerneføde" som liten sjokolade, druer, rosiner el.l.
Drikke. Helst vatn eller juice. Ein 1/2 l liter vanleg brus er ok. Red Bull og andre drikker med høgt koffeininnhald er ikkje tillate!
Utstyr. Ha alltid med skrivesaker og utstyr som passar, gradskive og linjal når det er trong for dette!

Lukke til med tentamen alle samen!                                                                                     Tekst : Pål Roseth                                                                                           

26.11.09
Ingen sprøyte-angst!
Det var ikkje mykje redsel og angst å spora hos elevane på Nysæter ungdomsskule torsdag, sjølv om det var rimeleg tett mellom sprøytestikka! Dei aller fleste sette seg roleg i stolen og følgde ordrane til helsesystrene Monica Brekke Fosse og Margunn Stautland. Vaksineringa var særs godt organisert, og før dagen var omme var om lag 90 elevar vaksinerte. Siste rest får stikket i morgon! Då reknar me med at både juletentamen og andre førebuingar skal gå greit både her på huset og i heimane til elevane våre!

Her får Sverre vaksine mot Svineinfluensa av helsesyster Monica, medan Jonas vert vaksinert av Margunn. Er litt usikker på kvifor desse gutane er så nøgde.. om det er fordi dei no skal holda seg friske eller om det er dei kjekke sjukesystrene...

                                                                                                                                Tekst og foto: Pål Roseth                                                                                           

23.11.09
Vaksine mot svineinfluensa!
Alle elevane ved Nysæter ungdomsskule får tilbod om vaksine mot svineinfluensa!

Torsdag 26. og fredag 27.november vil alle elevar ved Nysæter ungdomsskule få tilbod om vaksine mot svineinfluensa. Dei får med seg eit info-skriv og eit skjema heim i dag. Dette må føresette lesa og fylla ut om dei ynskjer deira born skal vaksinera seg. Gjer vel å fyll ut skjema og send attende med eleven innan torsdag 27.november!

Vil du lesa skjema, klikk her>>
                                                                                                                                                Tekst: Pål Roseth                                                                                           

18.11.09
Utdanningsval på 10.trinn.
Prosjekt utdanningsval på 10.trinn

På 10.trinn har me i ein del veker hatt fokus på yrke og utdanningsval.Dette er viktig for elevane på 10.trinn då dei snart er ferdige med grunnskuleutdanninga si og om eit halvt år skal over i vidaregåande skule.Elevane har i denne perioden fått informasjon via rådgjevar, hospitert på vidaregåande skule og vore ute i arbeidslivet i ei veke. I tilegg til dette har dei arbeidd /sett seg ekstra grundig inn i eit utdanningsprogram. Dette har skulle munna ut i ei munnleg framføring og ein "stand" der dei skulle presentera utdanningsprogrammet sitt både for lærarar, foreldre og medelevar. Mykje godt arbeid vart presentert, og under kan du sjå nokre bilete frå den kvelden der foreldra fekk koma på besøk og sjå kva dei hadde fått til. Det var utsillingar i fleire rom og eit lotteri til inntekt for 10.klasse tur.

Vil du sjå fleire bilete frå framsyninga, klikk her>>
                                                                                                     Tekst: Anne Sissel Mugaas, foto: Inger Flatebø                                                                                           

18.11.09
Skuleruta!
Det har vore ei viss forvirring kring skuleruta ved NUS. Dette skuldast eit vedtak i Samarbeidsutvalet 16.02.09 der ein vart samde om å endra på skuleruta noko i høve den som gjeld for dei andre skulane i kommunen. På møte i Samarbeidsutvalet onsdag 16.11.09 vart det vedteke at NUS likevel skal følgja den same skuleruta som dei andre skulane i kommunen. Juleferie frå 18.desember og siste skuledag før sommarferien vert 22.juni 2010.

Skuleruta finn du under "Informasjon" eller klikk her>>

Referat møte i Samarbeidsutvalet finn du her>>
                                                                                                                          Tekst: Pål Roseth                                                                                           

30.10.09
Svineinfluensa og kikhoste påvist på NUS.
Me har no fått påvist 3 - 4 tilfelle av svineinfluensa på Nysæter ungdomsskule. (Føresette har teke kontakt med skulen og meldt om positive testar.) Likeeins er det oppdaga fleire tilfelle av kikhoste. Dette er også ein smittsam sjukdom. Me vil oppmoda føresette om å følgja nøye med om borna får symptom på desse sjukdomane. Hold sjuke born heime frå skulen!

Her finn du meir info om svineinfluensa: http://www.fhi.no/eway/default.aspx?pid=233&trg=MainArea_5661&MainArea_5661=5565:0:15,5001:1:0:0:::0:0

Her finn du meir info om kikhoste: http://www.fhi.no/eway/default.aspx?pid=233&trg=MainLeft_5799&MainArea_5661=5799:0:15,2859:1:0:0:::0:0&MainLeft_5799=5544:28934::1:5590:2:::0:0

                                                                                                                          Tekst: Pål Roseth                                                                                           

30.10.09
Vel attende etter flotte opplevingar!
Då var me attende etter ei fantastisk veke i Hjørring. Me har besøkt våre dandke og franske Comenius-venner og opplevd eit land som er litt ulikt vårt eige på mange vis. Det var dramatisk å gå langs vestkysten og vera vitne til korleis havet og vinden sakte men sikkert "åt opp" deler av landet! Vidare var me i vakre og idylliske Skagen og sto ytterst på spissen der Nordsjøen og Skagerak møtes! Her fekk me ogsp stifta nærare kjennskap til "Skagen-malarane". Me kjem attende med fyldigare rapport frå "studieturen" etter me har sortert bilde og inntrykk!

 

Her ser de gjengen ytst på Grenen, den nordligste tuppen av Danmark!

Her ser me deler av utstillinga elevane hadde laga og teke med til Danmark.

P.s.: sjå peikar på denne sida for å lesa meir om Comenius-prosjektet!



                                                                                                                          Tekst og foto: Pål Roseth                                                                                           

30.10.09
Klar for Comenius til Danmark!
I samband med at Nysæter ungdomsskule er med i internasjonalt samarbeid, skal 12 elevar frå 9.trinnet og 4 lærarar på studietur til Hjørring i Danmark veke 43. Skulen vår har eit prosjekt samen med ein skule utanfor Paris i Frankrike og altså ein skule frå Hjørring i Danmark. Prosjektet har fått namnet Aqua Viva. Det handlar om korleis me gjer oss nytte av vatnet i vårt område, både sjøen og ferskvatnet. Elevar frå Nysæter var i fjor i Frankrike. No i haust skal me då til Danmark. Prosjektet vert avslutta i 17.mai-veka neste år. Då kjem elevar og lærarar frå Frankrike og Danmark på besøk til oss på Nysæter! Me satsar på god-ver så me kan visa dei nasjonaldagsfeiringa og vårt flotte nærområde frå si beste side! Men først: Danmark neste!!

P.s.: sjå peikar på denne sida for å lesa meir om Comenius-prosjektet!
Oppdrag for "Arrangør-vertane"!

Elevar ved skulen vår har nett vore på kurs for å læra korleis dei tek imot artistar og kunstnarar som kjem til skulen med ulike tilskipingar. Dei har mange oppgåver og mykje ansvar. Torsdag 15.kjem det ei teaterframsyning til skulen. "Mirad", ei forteljing om ein gut frå Bosnia. I dag har desse "arrangør-vertane" vore i sving med å blenda gym-salen. (Ikkje noko enkel sak, då det einaste dei hadde å hjelpa seg med var boss-sekker! Nokon som kan sponsa med blendingsgardiner??)
 

Her ser de Stine, Lars, Jan Arne og Roy Gunnar i aksjon med blending av gym-salen!
                                                                                                                          Tekst og foto: Pål Roseth                                                                                           

01.10.09
Info-heftet klart!
Info-heftet 09-10 til Nysæter ungdomsskule er no klart! Det kjem heim i "ranselen" til alle elevane like etter haustferien. Her finn du viktig informasjon med m.a. kontaktinformasjon til alle tilsette, om skulen sine satsingsområde, organisasjonskart og mykje meir!

Du kan lesa info-hefte her>>



                                                                                                                          Tekst og foto: Pål Roseth                                                                                           

22.10.09
Norgespremiere på NUS!10.trinnet ved Nysæter ungdomsskule er i desse dagar med i noregspremieren på det nettbaserte spelet "The Climate Mystery". Dette er ei ny internasjonal satsing som kombinerer dataspel med naturfag og klimakunnskap. Klimamysteriet er særs aktuelt denne hausten og følgjer oppkøyringa til FNs klimatoppmøte i København.

Les meir om "Klimamysteriet" og satsinga på NUS her>>

                                                                                                                          Foto: Per Egil Larsen                                                                                           

08.10.09
Uteskule og fjelltur!
Tysdag 15.september drog Nysæter ungdomsskule til fjels! Det var meldt fint ver, noko som etterkvart har vore ei heller sjelden oppleving siste halve året. Ei gruppe gjekk kring Dalskarsvatnet, med start og mål på Nysæter. Ei anna gruppe tok buss til Rimbareid. Dette vart start og mål for to turar: ein til Botnavatnet og ein til Kidno (571 m.o.h.) Diverre vart det ikkje det veret som var meldt, men det var heilt ok turver! Som tidlegare skrive, har Nysæter ungdomsskule valgt å ha fokus m.a. på fysisk aktivitet i skuledagen. Faste turdagar gjennom året er noko av denne satsinga. En del av elevane våre har framleis noko å læra når det gjeld klede og utstyur for turar i fjell, skog og mark. (Joggesko, dongeribukse, T-skjorte og nista i plastpose er ikkje nett tilrådd utrusting!! Kan henda føresette har noko å bidra med her??)

  Klasse 10 A har kome godt i gang med sistt "fysiske år"! Ikkje mange dagane etter at lærarane på NUS hadde kurs med friluftsrådet, tok lærarane på 10.trinnet med seg elevane på ein "halvdags-ekskursjon"! Me henta kanoane (som er ei gåve frå Friluftsrådet Vest til ungdomsskulane i Stord) og hadde base ved Storavatnet. Lærarane formidla kunnskap og teknikkar som trengs for å ferdast på vatnet i kano m.m. Det vart også laga mat på bålet. M.a. prøvde dei ut skulen sin nyerverva "popkornmaskin"!

Sjå fleire bilete her>>                                                                 Tekst: Pål Roseth. Foto: Margrethe Lauksund og Pål Roseth
                                                                                                                                    

08.10.09
Kurs med Friluftsrådet Vest!
Måndag 7.september hadde lærarane på NUS kurs med Friluftsrådet Vest. Dette er ein del i skulen si satsing på Fysisk aktivitet i skulekvardagen. Knut Sørensen frå friluftsrådet var instruktør og me fekk opplæring i m.a. handtering og bruk (+ transport..) av kano, oppsetting av lavvu, mat på bål, bruk av stormkjøken m.m.m Stord og Fitjar kommunar har fått ein "Friluftspakke" frå Friluftsrådet. Denne inneheld m.a. ei tralle med 8 kanoar, årar og flytevestar, ein 12-mans lavvu, bålpanne med "trefot" (i aluminium..), steikeplate for bål, m.m. Me har tildlegare erfart at elevane set stor pris på læring i friluft, og det er mykje ein kan gjera like godt ute i naturen som i klasserommet. Nysæter ungdomsskule ligg også særs godt til med tanke på å nytta naturen i nærområdet. Me har kort avstand til både fjell, vatn og elv! Her er det berre å koma i gang. Skulen har også skaffa seg to permar med tilrettelagde oppgåver for ute-undervisning der det er forslag til opplegg i dei fleste faga!   

Her treng ein visst litt meir øving...

Fleire bilete frå kurset finn du her>>

Felles Fysisk Fostring!
Onsdag 09.09.09 kl.09.09 har Landslaget Fysisk Fostring i skulen utfordra alle elevar i norsk skule til ei felles økt med fysisk aktivitet! Alle elevane ved NUS skal då gå ein rask tur til og frå Gruvetårnet på Litlabø. Turen vert kombinert med ein soslidaritetsaksjon til støtte for Redd Barna sitt arbeid for barn i Søraust-Europa. Dei som vil støtta Redd Barna sin aksjon, tek med kr.10 og gjev til kontaktlæraren sin. 9. og 10.trinnet går kl.09.09, 8.trinnet går etter lunsj.                                                                                                                                     Tekst og foto: Pål Roseth
                                                                                                                                    

02.10.09
Felles foreldremøte 8.trinn
I kveld er det felles foreldremøte for føresette til elevar på 8.trinnet ved Nysæter ungdomsskule. Det vert samling på musikkrommet der ein vil få helsa på alle lærarane på 8.trinnet, sosiallærar, rådgjevar, representant frå PPT og rektor. Det vert noko generell informasjon i plenum før ein følgjer kontaktlærarane til klassane sine rom. Rolf Somonsen frå Frivilligsentralen vil vera til stades og fortelja om arbeidet deira.

Vel møtt på Nysæter ungdomsskule, musikkrommet,
onsdag 2.september kl.18.00
                                                                                                                                       Tekst : Pål Roseth
                                                                                                                                    

12.08.09
Litt informasjon!
Svineinfluensa.
Nysæter ungdomsskule har informert alle elevane om sjukdomen som er på veg og korleis me best kan besytta oss mot smitte. Informasjon frå kommunelegen vert sendt heim til alle føresette gjennom faldaren som kjem om litt. Det er hengt opp informasjonsfaldar "Vanar som førebygger influensa" i alle klasserom. Vidare er det tilgjenge for håndvask i alle klasserom på skulen.
For meir info om Svineinfluensa, les her>>

Nasjonale prøvar.
8.trinnet skal gjennomføra dei nasjonale prøvane i rekning, engelsk lesing og norsk lesing. Prøvane skal gjennomførast mellom 9.september og 16.oktober. For at dei skal vera best mogeleg budde til desse, ligg det no ute eksempeloppgåver på Udir sine sider. For å sjå desse eksempeloppgåvene, klikka her>>
                                              
                                                                                                                                       Tekst : Pål Roseth
                                                                                                                                    

12.08.09
Då var me igang!
Endeleg var elevane på plass på Nysæter ungdomsskule! Kl.08.30 samla me alle elevane i gym-salen. Her fekk dei møta alle lærarane, både "gamle" og nytilsette. Etter presentasjon og velkomstord, var det tid for Nysæter Singers (lærarkoret). Det vart avsynging av "Forelska i lærern´" med tilhøyrande dramatisering! I løpet av første skuledagen hadde lærarane lagt opp til ulike praktiske gjeremål. På 10.steget bygde dei rakettar (Teknologi og design).
 

I siste timen var det klart for utskyting og testing av rakettane. Dei vart vurderte ut frå utsjånad og "virkegrad"! Ein lærar vart plassert på taket av gymsalen for å måla stigningshøgd (og plukka ned dei som landa på taket), medan alle elevane på trinnet samla seg kring utskytingsrampane på grusbanen. Dei beste rakettane nådde over 20 metetr opp i lufta!
  Kor vart det av denne??             Fleire bilete frå første skuledagen finn du her >>                                      Tekst og foto: Pål Roseth
                                                                                                                                    

12.08.09
Klart for nytt skuleår!!

Her ser det gjengen som skal syta for godt fagleg og sosialt miljø på NUS komande skuleår!!

Då var me klare for skuleåret 2009_10! Det vil seia, i alle fall godt i gang med planlegginga. Onsdag 12. august hadde me den første samlinga med "gamle" og nye lærarar på Nysæter ungdomsskule. I samband med overflytting til den nye ungdomsskulen i Nordbygda, vert det store endringar i høve personalsamansetjinga frå i vår. 8 nye lærarar er på plass + 3 nye assistentar! Det har vore eit særs positivt møte med dei nye tilsette, og me gler oss alle til å ta fatt på haustsemesteret!
Då var det å håpa at elevane er like motiverte!

Til alle elevar som skal ta til på Nysæter ungdomsskule i haust:
Vel møtt på skulen måndag 17.august kl.08.30

                                                    Tekst og foto: Pål Roseth
                                                                                                                                    

17.06.09
Avslutning 10.trinnet!
Torsdag 18.juni kl.18.00 var det klart for avslutning for elevane på 10.trinnet ved Nysæter ungdomsskule. Føresette, elevar og lærarar på trinnet hadde laga til ein fantastisk fest med det flottaste koldt-bord og eit lokale pynta som til brudlaup! Då passa det fint at elevane  kom i fin-stasen! Det var fine kulturinnslag både frå elevar og lærarar. Elevar fortalde frå Berlin-turen dei hadde tidlegare i vår og me fekk sjå bilete frå turen. Ein av fedrene som var med som reiseleiar, kunne berre fortelja om fine opplevingar og fantastisk flotte ungdomar å vera på tur med. Tilstellinga vart avrunda med utdeling av vitnemål med der til høyrande fotografering!
Takk til alle som har vore med å laga til og til elevane for ei fin tid på NUS!

Fleire bilete finn du her>>                                                          Tekst og foto: Pål Roseth
                                                                                                                                    

19.06.09
Comenius
Desse elevane vart trekt ut til å få reisa til Danmark på Comenius-besøk til hausten. I tillegg kjem det elevar frå Frankrike og alle skal bu hjå vertsfamiliar. Prosjektet heiter Aqua Viva og handlar om kystkulturen i desse tre landa. I løpet av dette skuleåret har me samla inn lokale historiar og legender frå eigen kultur, som me har sendt frå oss. Me har motteke historiar og legender frå Danmark og Frankrike òg, og desse har me illustrert. Målet er å få samla desse i ei bok som skal verta ferdig til neste år.

Les meir om prosjektet her>>

tekst&foto: Kristine Vikanes    

19.06.09
Heldige vinnarar av Mp4-spelar
NUS er med i FRI-programmet, som går ut på å skapa haldningsskapande arbeid mot tobakksbruk hjå elevane. På 8.trinnet er det mange som har skrive kontrakt på at dei skal halda seg røyk-og snusfrie. Og blant desse vart det trekt ut ein vinnar frå kvar av 8.klassane.

tekst&foto: Kristine Vikanes                                                                     

18.06.09
Fotballturnering
Aktivitetsdagen vart avslutta med fotballturnering. Innsatsen var stor, og det var spennande kampar å følge med på. Og både jente- og gutefinalen vart avgjort med straffekonkurranse, drama til siste slutt!

fleire bilete>>

tekst&foto: Kristine Vikanes                                                             

18.06.09
Aktivitetsdag
Tradisjonen tru hadde me aktivitetsdag siste veka av skuleåret. Torsdag var det stor aktivitet i Hustredalen. Vêret var stort sett bra, bortsett frå nokre kraftige byger innimellom.

fleire bilete>>

tekst&foto: Kristine Vikanes                                                                     

17.06.09
Bocciaturnering
På slutten av dagen onsdag hadde 8.trinnet bocciaturnering. Finalekampane gjekk i den nye banen som elevane har vore med og snikra.

fleire bilete>>

tekst&foto: Kristine Vikanes                                                                   

17.06.09
Skulefrukost
Onsdag starta me dagen med felles frukost for 8.trinnet. Maten smakte godt og praten gjekk livleg rundt bordet. Resten av dagen gjekk med til rydding, innlevering av bøker og bocciaturnering.

Fleire bilete>>

tekst&foto: Kristine Vikanes

12.06.09
Dugnad
Elevane på 8.trinnet var flinke og jobba dugnad fredag 12.juni. Oppgåvene besto i alt frå å plukka boss, snekring, maling, rydding og kosting.
                           

Fleire bilete>>

tekst&foto: Kristine Vikanes

05.06.09
Tøft band med elevar frå NUS!
SCARY FAIRY er eit nytt band sett samen av elevar frå 8.trinnet på Nysæter ungdomsskule. Dei har øvd samen på Fritidsklubben og hadde offentleg opptreden på Arena laurdag 30.mai! Me gler oss til å høyra meir av desse flinke ungdomane i åra som kjem! Skulekonsert neste? Frå venstre ser me: Erik J. Harkestad, Alexander V. Svensen, Eirik Sætrevik og Elida Valvatna.

Dei har allereie vore på sitt neste oppdrag, nemleg å spela for dei nye 8.klassane som skal byrje på Stord ungdomsskule. Dei brukte litt av skuledagen sin torsdag morgon 4.juni, og spelte eit flott publikum i Vikahaugen sportssenter
Fleire bilete frå arrangementet>>
                                                                                                                                    

01.06.09
Kakefest!

Den siste tida har 9.trinnet arbeida med eigenmeny og kakebaking i "Mat og helse". I eigenmeny set elevane sjølv opp det dei skal lage og finn oppskrifter. Resultatet serverte me som koltbord. Alt smaka fortreffeleg!

Seinare pynta me marsipankaker som me hadde laga sukkerbotn til. Alle jobba kjempegodt og 9B fekk lærarar og rektor som gjester på besøk.

Fleire bilete finn du her>>                                                    Tekst og foto: Turid Tvedt Gjellestad
                                                                                                                                    

26.05.09
"Bli kjent dag"
for gamle og nye 8.klassar

I dag fekk dei som skal ta til i 8.klasse til hausten bli kjent med klassekameratar og nokre av lærarane dei skal ha til hausten. Stemninga plar vera ganske spent i byrjinga, samstundes som skuldrene senker seg i løpet av dagen.

Det heile starta med felles
frukost i Samfunshuset, der
elevane frå dei tre barneskulane
Sagvåg, Tjødnalio og Litlabø, vart
delte i tre nye 8.klassar. Kvar
klasse fekk T-skjorte i same farge
slik at det var lett å finna dei

nye klassekameratane. Etter felles frukost var det aktivitetar på grøntanlegget ved Storavatnet. Det heile er sett i stand av SLT-koordinator Terje Eriksen og VOKT-arbeidarane i Stord kommune. Me takkar for ei flott tilskiping og eit viktig initiativ i samband med overgang barneskule - ungdomsskule.

Fleire bilete finn du her>>                                                      Tekst og foto: Kristine Vikanes og Pål Roseth
                                                                                                                                    

19.05.09
Undersøking "Unge og rus"
Ungdom sitt forhold til rusmiddel.
Stord kommune har vedteke å gjennomføra ei undersøking om ungdom sitt forholød til rusmiddel. Undersøkinga skjer i nært samarbeid med Stiftelsen Bergensklinikkene, som er ansvarlege for handsaminga av innsamla data.

Denne undersøkinga vil gje eit godt grunnlag for det rusførebyggjande arbeidet blant unge. Dei utvalde ungdomsgruppene er elevar ved ungdomsskulane og den vidaregåande skulen i Stord. Undersøkinga går føre onsdag 20.mai 2009, i første time.

Elevane skal svara på eit anonymt spørjeskjema under ein skuletime. Ingen av lærarane eller skuleadministrasjonen vil få tilgang til svara. Det er heller ikkje mogeleg å tilbakeføra opplysningar til enkeltelevar eller enkeltklassar. Føresette er informert om undersøkinga gjennom melding heim med elevane. Deltakinga i undersøkinga er frivillig og ein vonar på størst mogeleg oppslutnad. Resultata vil vera klare hausten 2009.
                                                                                                                                     Info: Pål Roseth

06.05.09
Eksamen 2009!
Då var eksamen i gang ved ungdomsskulane i kommunen! Måndag kl.09.00 fekk elevane fekk vita kva fag dei skulle opp i. Som vanleg vart nokre hoppande glade medan andre såg mindre lyst på utfallet... Men no er førebuingane i gang for alvor. Nors er første faget ut. I dag er det førebuing. Elevane har fått tilgang til førebuingsmateriellet på nettet. Faglærarane går gjennom stoffet og rettleiar kandidatane i arbeidet med stoffet. Fredag 8.mai er det eksamen i norsk hovudmål, måndag 11.mai i norsk sidemål. Så følgjer matematikk onsdag 13. og engelsk fredag 15.mai.

Du finn meir info om eksamen her>>
Bilete frå førebuing norsk 10C her>>                                                      Tekst og foto: Pål Roseth
Info om eksamen frå Udir finn du her>>

06.05.09
Opptur 2009
Den Norske Turistforening arrangerte også i år Opptur for 8.klassane mange stader i landet. Nysæter ungdomsskule var på tur med Stord og Fitjar turlag til Steingjelsheddo. På grunn av vêret vart turen til Stovegolvet kutta ut i år.

Me vart henta med buss frå skulen og køyrt til parkeringsplassen ved Fjellstova. I løpet av bussturen både regna og hagla det, så me kledde godt på oss før me gjekk ut. Men på sjølve turen var det opplett mest heile tida, og det var vinden som gjorde temperaturen litt sur då me nådde toppen. Elles var det mange blide, flinke og spreke elevar me hadde med oss. Arrangørane gjorde ein kjempegod jobb med organisering og gjennomføring, så me må absolutt få skryta over arrangementet.
 Her finn du meir informasjon om Opptur
Sjå kva lokalavisa skriv om turen

Våre eigne bilete frå turen finn du her>>                              tekst&foto: Kristine Vikanes

27.04.09
Fredag 24 april var 9.trinnet på tur til Dyviksåto via Hustredalen. Det var perfekt turver og ungdomane var eksemplariske! Litt fysisk aktivitet er berre positivt og gjev (forhåpentlig) energi til flittig innsats på skulebenken fram mot sommaren!

Fleire bilete her>>
Foto: John Oddvar Løkling

27.03.09

Torsdag 26. mars fekk 8.trinnet visa fram kva dei har jobba med i musikkprosjektet siste veka! Føresette og søsken fekk sjå varierte innslag med sketsjar, dansar, opplesing, gitarsolo, band som spela og mange flinke elevar som song. Mange var nervøse før dei skulle på scena, men kan vera nøgde no etterpå, førestillinga var verkeleg noko å vera stolt av!
I pausen var det kafé, med sal av kaker og kaffi. Mange nytta høve til å kjøpa seg ein matbit og å slå av ein prat med dei andre som var til stades.
Fleire bilete finn du her>>

Tekst: Kristine Vikanes
Foto: Elisabeth Brandsdal Barane og Kristine Vikanes

23.03.09
Ein stjerneklar konsert!
Måndag 23.mars fekk me besøk av musikarar i regi av Rikskonsertane/Den kulturelle skulesekken. Programmet me fekk høyra hadde tittelen "Ein stjerneklar konsert!". Musikarane bak konserten har sjangerbakgrunn frå folkemusikk og jazz. Dei fire musikarane var Kim Andre´ Rysstad på vokal, John Ole Morken; gitar og fiolin, Siggurd Ulveseth; bass og "vår eigen" Ole Jacob Hystad på saxofonar. Me fekk høyra gamle norske balladar og folkesongar i spreke arrangement. Tema for musikken var kjærleik! (ikkje så ulikt dagens balladar...). Musikarane hadde ein framifrå måte å kommunisera med publikummet sitt på, og elevane ved Nysæter let seg ikkje be to gonger før dei heiv seg med i allsong og "drama"! Det var tydeleg at denne konserten fall i smak hos både elevar og lærarar, noko som enda med taktfast "dacapo" då det heile var over. Takk for fin oppleving!

Fleire bilete finn du her>>

                                                                                    Tekst og bilete: Pål Roseth

23.03.09
9.trinnet på tur til Sauda.

Onsdag 18.03 var 9.trinnet på skitur til Svandalen i Sauda. Som ein kan sjå av bileta, var det ein svært fin dag med flott ver og blide elevar som kosa seg i bakken. Nokre hadde trening på ski og snøbrett frå før, medan andre hadde bratt læringskurve! Me var glade for å reisa heim att med alle i god behald etter aktive timar i bakkane!

Fleire bilete finn du her>>

                                                                                    Tekst og bilete: John Oddvar Løkling

05.03.09
Kommunal rutineplakat ang fråvere i skulen.
Det er utarbeidd ein kommunal rutineplakat som omtalar korleis ein skal handtera fråvere i skulen. Bakgrunn for arbeidet er at Stord ungdomsskule opplevde auke i talet elevar som av ulike årsaker hadde eit stort udokumentert fråvere. På bakgrunn av dette vart det sendt ei oppmoding til eining for Sosial og førebyggande tenester om å setje fokus på dette, og klargjere korleis ein betre kan arbeide tverrfagleg og samordna for denne elevgruppa.

Rutinar som gjeld i alle skular:
- Foreldre bør gje skulen melding (telefon, mail, SMS) om at eleven ikkje kjem på skulen i dag, og   skissere kor lenge eleven truleg vert borte .
- Det skal gjevast skriftleg melding når eleven er attende.
- Alt fråvere (dagar, timar og deler av timar) skal registrerast, og reagerast i høve til.

Les heile dokumentet her>>

                                                                                                        Info: Pål Roseth

26.02.09
Suksess på Open Dag!
For tredje året på rad skipa FAU ved Nysæter ungdomsskule til Open Dag onsdag kveld. Ein hadde på førehand drive aktiv marknadsføring og informert godt om tilbodet til elevane på skulen. Det var difor veldig tilfresstillande for alle som var med og skipa til denne kvelden, at det kom så mykje folk! Her var stor aktivitet og mange blide elevar, føresette og lærarar! Me var alle imponert over mangfaldet i aktivitetar dei føresette hadde fått i stand denne! Me er også sikre på at ei slik tilskiping er særs verdifull med tanke på å skapa trivsel og tilhøyr hjå elevar ved skulen vår! Tilskipinga kan no kallast ein tradisjon, og me skal gjera vårt beste for å utvikla tilbodet vidare!

Her gjeld det å vera stø på handa! Her får Svanhild ei hjelpande hand frå Lisbeth..

Det var kø framom døra til fysioterapeut Katrin Aase. Det var både elevar, føresette og lærarar som fekk løyst opp stive nakkar og ømme ryggar denne kvelden. Og Katrin sto på til siste slutt! Me takkar for flott innsats!

Øystein gir Hans Inge ei hjelpande hand med saga. Her skal me laga bordtennis-bord som skal stå ute! Monica og Gisle følgjer med og ser til at arbeidet føre seg i samsvar med arbeidsteikningane (..som var ei skisse inne i loket av ei pappøskje ....)

     Studio på musikkrommet

Musikkrommet vart gjort om til studio.
Her er eit opptak som vart laga av

Alexander: Gitarar
Odd Tore: Vox humana
Eirik: Trommer
(Bass: Ukjend håling frå Vikjo)

Knocking on Heavens Door

Sjå fleire bilete frå Open Dag her >>

Tekst: Pål Roseth, foto: Gisle Hjelmen, Erling Abrahamsen, Pål Roseth

25.02.09
"Kva skal eg bli når eg vert stor?"
Det er tida for å søka vidaregåande skule for elevane på 10.trinn. I desse dagar har skulen vitjing frå ulike opplærings og utdanningsinstitusjonar. Me har også yrkesutøvarar frå ulike bransjar på besøk. Det er ikkje lett å velja blant alle tilboda, og rådgjevar Merete har "eit svare strev" med å rettleia og gje råd etter beste evne.. (Minner om at det er ELEVANE som skal søka..)
I dag har  journalist Lars Meland vore her og fortald om media og kommunikasjon, om kva utdanning og skuletilbod som finnes for dei som ynskjer å ta ei utdanning innan dette faget. Lars har brei erfaring frå ulike media  som avis og radio m.m.
 

Vesle speil på veggen der ............
På "vandring" gjennom mediateket, finn me no ei utstilling frå kunst & handverk på 10.trinnet. Oppgåva var "Lille spegel på veggen der!" Her er mange kreative løysingar!
 

Fleire speglar finn du her>>
 

kst og foto: Pål Roseth 
 

Elevundersøkinga 2009
 

Info: Pål Roseth

23.02.09
Hugs "Open Dag" komande onsdag!
Komande onsdag inviterer FAU i samarbeid med NUS til Open Dag på skulen frå kl.1800 til 21.00. Dette er ein aktivitetskveld der elevane våre kan velja mellom ei rad ulike aktivitetar. Det vert ope basseng, ballaktivitetar i gym-salen, scrapbooking, gitarkurs, førstehjelpskurs, sløyd, musikkverkstad med ikt, norske baketradisjonar, hudpleie og kosmetikk, rygg og nakkemassasje m.m. Me vonar elevane set av denne kvelden og gjer seg nytte av tilbodet. For berre kr.20.- får ein fritt tilgjenge til alle aktivitetane. Så kan ein gå i kafeen og slappa av inni mellom!

Vil du sjå bilete frå Open Dag 08, klikk her>>

Info: Pål Roseth
                                                                                                

12.02.09
NUS til fjells!
Torsdag 12 februar drog heile Nysæter ungdomsskule til fjells! Me tok buss til Fjellstova og derifrå kunnen ein velja mellom fleire turar og aktivitetar. Det vart tur til Steinen, Heio og nokre rundar i Lysløypa. Me held "base" ved Lundarstølen, der det vart aka, spidda pølser og nokre rundar i lysløypa. Nokre drog akebrettet heilt til Kattnakken for å få skikkeleg aketur ned att! Kring Lundarstøl var det stor aktivitet og mykje folk. (Om lag 100 elevar frå Tjødnalio var der samstundes med oss!) Det var kjekt å oppleva ungdomane våre i fri dressur og med framifrå innsats og høg intensistet! Her vart "Fysisk aktivitet" verkeleg gjennomført i praksis!!
Kjekt med blide og nøgde ungdomar og vaksne! Me ser fram til neste gong!

               Nøgde elevar og lærarar nyt "sjevo" og appelsin ved Steinen. Sjølv om ikkje sola skein frå blå himmel, var det fint føre og flotte tilhøve i fjellet. Elles var det nok fleire som nytta akebrettet enn ski denne dagen! Oppgåve for alle føresette: det var dette med "Nordmenn og ski på beina..." 

Fleire bilete >>                                  Tekst: Pål Roseth, foto: Gisle Hjelmen og Pål Roseth                                                                                    

10.02.09
Ski-dag for alle!
Torsdag 12 februar dreg heile Nysæter ungdomsskule til fjells! Me tek buss til Fjellstova og derifrå kan ein velja mellom fleire turar og aktivitetar. Det vert tur til Steinen, Heio eller nokre rundar i Lysløypa. Me held "base" ved Lundarstølen, der det vert høve til å aka, spidda pølser og nyta vinteren i Storafjellet! Så finn fram ski, akebrett, termos og varme klede!
For dei elevane som av ulike årsaker ikkje ynskjer å dra til fjells, vert det tilbod om vanleg skule på Nysæter.

Elevane møter på skulen til vanleg tid. Det vert "vanleg skule" dei to første timane.
Turen kostar kr.50.- Betal til kontaktlæraren din.
                                                                                                              Info: Pål Roseth

11.02.09
Aktivitetar i snøen
8.trinnet nytta det fine vintervêret til å vera ute dei tre siste timane onsdag. Turen gjekk til Sætrabakken, her var stor aktivitet med mykje latter og frydefulle hyl. Både ski, kjelke, akebrett og snowboard vart nytta.
Sola varma, men me var nøydt til å bevega oss for å halda varmen. Nokre kasta jakka for dei var for varme, andre sat framfor peisen og varma seg for dei fraus.
Fleire bilete>>

Tekst og foto: Kristine Vikanes

03.02.09
Open Dag!
Onsdag 25.februar, frå kl.18.00 - 21.00, skal FAU i samarbeid med NUS skipa til Open Dag for alle elevane ved skulen. Dette er tredje gongen FAU skipar til dette arrangementet. Målsettinga er å skapa felles positive opplevingar for elevane på tvers av klassestega og auka elevane si kjensle av "å høyra til" på Nysæter. Føresette gjer eit framifrå arbeid med denne tilskipinga. I år vil me freista å få til eit samarbeid med lag og organisasjonar i bygda, slik at elevane får "fri" til å ta del denne kvelden. Blant tilboda kan me nemna trampett og ballturneringar i gym.salen, bassengaktivitetar, scrapbooking, massasje, hud- og hårpleie, førstehjelp, nybyrjaropplæring gitar, Musikk og IKT, kafe´med meir..

Hugs å setja av kvelden! Dette vert garantert kjekke opplevingar for alle!

Her kan du sjå bilete frå sist me hadde Open Dag! >>>
                                                                                                              Info: Pål Roseth

30.01.2009
Flott skeisedag!
Skeisedag ligg som fast aktivitet på 8.trinn, og dette året var me svært heldige med den. Nydeleg vær med sol og kaldt vêr gjorde dagen perfekt. Dei fleste var aktive mest heile tida medan me var der, og det var mange smil og raude kinn å sjå. Nokre av elevane var imponerande flinke på isen, medan andre var litt skjelven i knea til å byrje med, men så vart dei trygge etterkvart. Litt hockey, kappløp, og leikar var blant aktivitetane.

Tusen takk til alle føresette som var med å frakta elevane inn denne dagen!
Helsing lærarane på 8.trinn!       

fleire bilete finn du her>>     

Tekst og foto: Kristine Vikanes

27.01.2009
Fotballturnering!
I midttimen kan elevane på NUS velja mellom ulike aktivitetar; bordtennis, volleyball, Gitarhero, Singstar, utlike brettspel m.m.m I den siste tida har VOKT-arbeidarane i samarbeid med den engasjerte lærar og Bran-patriot Gisle Hjelmen, skipa til turnering i fotballspel! (Som Gisle fekk kjøpt på salg!!..spelet, altså..) Det syner seg at ein treng litt andre dugleikar i dette spelet enn ute på fotballbanen! Det er difor ikkje reint få "staute karar" som har måtta sjå seg slått av meir finslepen teknikk og taktikk frå jentene på skulen! Uansett er det tydeleg at aktiviteten er populær og fengjer elevar og lærarar!

Godt lagspel er vegen til siger! God koordinasjon og utstrakt multitasking-kompetanse gjev jentene eit forsprang! (Som i Audi-reklamen: "forspranget ligger i teknikken!")

Elevane set pris på tilbodet i midttimen, og ynskjer fleire turneringar fram etter våren!

Me lovar å gjera vårt beste!                                 

Tekst og foto: Pål Roseth

16.01.2009
Skuleruta 2009/10
Skuleruta for komande skuleår er no ute på høyring. I høyringsutkastet er det skulestart for elevane måndag 17.august og siste dag før ferien i 2010 er føreslått til tysdag 22.juni.

Sjå utkast til skuleruta 09/10 her>>                                                 Info: Pål Roseth
 

Utstilling om Per Spook

"Etter den populære utstillinga "Per Spook. Norsk motedesigner i Paris" som vart vist i Nasjonalmuseet i 2006, er det utvikla ei vandreutstilling til skular. klasserommet blir omgjort og gjenskapt til eit motestudio i Per Spooks ånd. Elevane jobbar i workshop med klede på modellar. Motestudioet får også plass til ein liten catwalk". Kjelde: Nasjonalmuseet sine sider

Me fekk fyrst presentert eit utdrag frå arbeida til Per Spook, for deretter å få prøva oss som designarar sjølve. Til slutt vart resultatet presentert og det var mange spennande forslag. Nokre av dei finn du her>>

Tekst og foto: Kristine Vikanes

Endeleg JULEFERIE!
Så var endeleg siste skuledagen før ein etterlengta skuleferie her! Elevar og lærarar skal no ta seg ein vel fortent pust i bakken. Tradisjonen tru er siste skuledag ein litt "annleis" dag for elevar og lærarar. Då brukar me å ha samling i klassane frå morgonen, gjerne med felles frukost, litt gotteri og lett underhaldning. Etter det er det avslutning i kyrkja. I år ville me freista noko nytt, noko som kunne gje oss anna "føde" enn julabrus og snop! Me samla heile skulen i Gymsalen og sydde samen eit program der elevane fekk vist for kvar andre kva dei hadde jobba med dette halvåret + "løynde talent"!

Sjølvsagt finnes det løynde talent blant lærarane og! Denne nette dansetruppen; "Super Trooper", framførte eit nummer der ein fekk sjå røyrsle etter musikk frå den kjende populærmusikkgruppa ABBA frå Sverige.



Vil du sjå fleire makalause bilete? Klikk her >>

  

 Tekst: Pål Roset, Foto: Erling Abrahamsen

Onsdag og torsdag har me hatt juleverkstad for heile skulen på nus. Elevane har mange aktivitetar å velja mellom, alt frå tradisjonell julepynt til skeising og bading. Eit val har vore å laga film, og resultatet frå dette er mange gode kortfilmar.

Her kan du sjå ein film kalla "Datadraumen"
og ein "Film om mobbing"

Fleire bilete >>

Tekst & foto: Kristine Vikanes
 

Rockeverkstad!
Desse karane hadde teke med seg gitarar og forsterkarar. Det var høgt og tøft! Nokre av dei spelar samen i kjellaren heime, men på Julerockeverkstaden samla dei seg og jamma heftig! STILIG!! F.v: Ander, Morten, Mats, Morten og Christian.

Fleire bilete frå denne og andre aktivitetar finn du her >>

Tekst og foto: Pål Roseth

Prosjekt "Utdanningsval" på 10.trinnet.
Dei siste veken har elevane på 10.trinnet jobba med Utdanningsval. Dei har hospitert på vidaregåande skular i distriktet og hatt yrkespraksis i bedrifter i kommunen og i nabokommunar. Dette faget er særs viktig for elevane og skal  hjelpa dei til å velja ei utdanning som passar for den einskilde. Samstundes ynskjer ein å redusera fråfallet i vidaregåande skule grunna feil val! Dei er no i ferd med å avslutta prosjektet og skal ha utstilling og presentasjon for føresette onsdag 12.11. kl.17.30 til 20.00 på mediateket her på NUS

For fleire bilete: Klikk her>>

Tekst & foto: Pål Roseth

31.10.2008
Flott hausttur til Dalskarsvatnet
8.trinnet hadde ei flott avslutning på veka med tur i det fine haustvêret. Fyrste time gjekk til RLE-prøve, etterpå gjekk me på tur. Me starta frå skulen halv ti, gjekk over Hustredalen og Rødkleiv, over til Dalskarsvatnet og kom ned i Rutle. Der delte me oss i grupper. Nokre gjekk over Hustredalen på veg til skulen, nokre gjekk langs hovedvegen og heim.

Me ynskjer alle ei strålande helg i dette flotte vêret!

Fleire bilete frå turen finn du her>>

Tekst & foto: Kristine Vikanes

27.10.2008
Tilbake frå Frankriketuren
Me har hatt ein flott tur til Frankrike. På bilete ser me rektor som ynskjer oss velkomen den fyrste dagen. Vertsfamiliar og elevar sit og ventar spent i hallen.

Fleire bilete og litt om programmet for veka finn du her>>

Heimesida til Aqua Viva finn du her>>

Tekst & foto: Kristine Vikanes

15.10.2008
Aqua viva!
Desse glade elevane reiser til Frankrike på måndag 20.oktober og kjem heim att fredag 24.oktober. Dei reiser i lag med fire lærarar.

8.trinnet er med i eit Comenius-prosjekt som går over to år. Landa som er med er Danmark, Frankrike og Norge.
I løpet av hausten har 8.trinnet arbeida med å skriva brev om seg sjølv på engelsk, desse tek me med oss til Frankrike og utvekslar brevvenner med Danmark og Frankrike. Vidare brevveksling vert nok mest på e-post. Vidare har me hatt prosjekt om kommunen vår dei siste vekene, resultatet av dette arbeidet skal me visa for kvarandre på fredag, og ein del av dette arbeidet viser me på turen òg. Mange av elevane har på eige initiativ omsett arbeidet sitt til engelsk.
For å vera med på turen har elevane skrive søknad, og blant innkomne søkjarar vart desse trekt ut. Dei skal bu hjå vertsfamiliar i Frankrike, så dei får gode høve til å bli kjent med dei franske ungdomane. Både elevar og lærarar gleder seg mykje og er svært spente på turen.
Det kjem meir informasjon om turen når me kjem att!

Litt meir informasjon finn du her>>

Tekst & foto: Kristine Vikanes

Hausten for eitthundre år sidan vart to av landets fremste kunstnarar fødde. Begge var hardingar og utvikla ei sterk tilknytning til kulturen og naturen i heimdistriktet. På same tid var begge opptekne av internasjonale tankar, haldningar og uttrykk. Det er to heilt spesielle kunstnarkarrierar og livssoger vi her har med å gjera.
Me fekk ta del i jubileumsprogrammet som hyllar desse store kunstnararane.

Geir Botnen - piano
Reidun Horvei - song
Einar Mjølsnes - hardingfele og gambe                          

Tekst & Foto: Kristine Vikanes
 

Elevane er delt inn i ulike grupper og jobbar med ulike emner innanfor kva me finn i vår kommune. Både historie og nyare tid er med. På bilete ser me elevar som finn ut litt om kva som skjer på Aker Sollution Stord i dag.

Fleire bilete finn du her>>

Tekst: Kristine Vikanes  Foto: Pål Roseth Film: Kristine Vikanes
 

Skuleruta.
Elevane møter på skulen onsdag 13.august kl.08.30 i gym-salen. Det vert elles nokre endringar i skuleruta for komande skuleår. Det vert planleggingsdagar med elevfri torsdag 25. og fredag 26.september. Fredag 13.november vert det vanleg skule.

Me ynskjer elevar og lærarar vel møtt til nytt skuleår på Nysæter!

Skuleruta: klikk her>>
                             
                                                                                              Tekst  Pål Roseth
 

Avslutning 10.trinn!

Då står det berre att å ynskja alle elevane på 10.trinnet ved NUS våren 08 det aller beste for tida som kjem!

For fleire bilete, klikk her>>
                             
                                                                                              Tekst og foto: Pål Roseth
 

08.05. 2008
Opptur 2008!
Onsdag 7.mai arrangerte Stord/Fitjar turlag fjelltur for alle 8.klassingane på Stord. Dei vart henta på skulane kl. 08.30 og frakta til Fjellstova med buss. Derifrå bar det til tops! Det var lagt opp til to turar: ein til Steingjesheddo, og ein til Stovegolvet. I eit praktfullt vårvêr opplevde alle samen ein fantastisk dag i fjellet. Turlaget får dei beste skussmål for eit flott tiltak og særs godt gjennomført opplegg!

La oss håpa dette vert tradisjon, slik det er vorte i Bergen..

Tusen takk til Turlaget frå alle oss på Nysæter!

Vil du sjå fleire bilete frå turen, klikk her>> 
                             
                                                                                              Tekst: Pål Roseth, foto: Erling Abrahamsen
 

17.04. 2008
Suksess for "1994!"
Vel blåst for 8.trinnet! Det vart ei storvegs framsyning i Samfunnshuset torsdag kveld! Ein fullsett sal fekk eit variert og godt regissert tilbakeblikk på året 1994! Her var motar, glade og triste nyhende, musikk og ikkje minst OL på Lillehammer! Elevane imponerte oss alle med fin og naturleg framferd på scenen og flotte musikkinnslag! Me må også få retta ei stor takk til lærarane som har stått på "natt og dag" den siste tida! Takk til dykk alle!
Då ser me fram til oppfølgjaren frå desse makalaust flinke elevane og lærarane!

Vil du sjå fleire bilete frå framsyninga, klikk her>>

Vil du kjøpa heile videoen frå framsyninga, kan du kjøpa han for kr 100.
Pengane går til klassekassane i 8. klasse.
Elevane kan tinga han på skulen.

                                            Tekst og foto: Pål Roseth

No er øvingane til 8.trinnet sitt prosjekt inne i siste og avgjerande fase! Det er stor aktivitet på heile huset med førebuingar til framsyninga i morgon kveld. 8.trinnet ynskjer å fortelja om året dei vart fødde, 1994. Dette vil dei gjera gjennom musikk, forteljing, bilete, dans og drama. Både elevane, lærarane og føresette har jobba hardt for at framsyninga skal verta ei minnerik oppleving! Hugs å setja av torsdag 17.april (i morgon!!). Det heile startar kl.18.00 i Samfunnshuset på Litlabø!

Vil du sjå fleire bilete frå førebuingane, Klikk her>>                           Tekst og foto: Pål Roseth
 

Her ser de Svanhild i eit kjend kostyme frå opningsseremonien i Lysgårdsbakken på Lillehammer. Me har fått låna denne hjå ei jente frå Kattatveit. Ho var ein av vinnarane i ein teiknekonkurranse om kostymer til Vettene som tok del i opningsseremonien! Det vert spanande å sjå kva 8.trinnet presenterer når dei inviterer til framsyning i Samfunnshuset torsdag 17.april kl.18.00 ! (Merk tida!

Me har også hatt vitjing av Rikskonsertane. Heidi Marie Westerheim frå Øystese var på NUS onsdag 9.april. Ho hadde m.a. med seg Roy Ole Førland frå Stord. Heidi Marie er ein såkalle "Singer songwriter". Ho skriv tekstar og melodiar sjølv, i ein moderne visetradisjon. Ho har m.a. vunne ein prestisjetung konkurranse i Tyskland for musikken sin. På NUS møtte dei eit særs lydhørt publikum. Det er veldig kjekt å kunna skryta av elevar som har så god konsertdisiplin! Det var også tydeleg at elevane sette pris på det dei fekk høyra.

Vil du sjå fleire bilete, klikk her>>                                                              Tekst og foto: Pål Roseth
 

Tysdag 4.mars vil FAU ved Nysæter ungdomsskule skipa Open Skule for andre gong. Då kan me sei det er vorte ein tradisjon! Dei har sett samen eit variert og omfattande tilbod der elevane kan velja mellom m.a. baking, mekking, massasje, bassengaktiviteter, singstar, musikk og ikt, gitarspeling, sumobryting, dansematte m.m.m Aktivitetane vil gå føre på skulen mellom kl.18.00 og 21.00 denne tysdags kvelden. Dette vart særs godt motteke då FAU skipa til den fyrste opne dagen i mars 2007. Me vonar det kjem enno fleire elevar denne gongen. Det kostar berre 20 kroner å ta del i alle desse kjekke aktivitetane. Takk til FAU for glimrande tiltak for å skapa eit godt miljø på skulen!

Tekst og foto: Pål Roseth

Satsing på fysisk fostring!
10.februar 2008
                                                              Fredag 8.februar var det planleggingsdag i skulane i Stord kommune. Stord og Nysæter ungdomsskular har eit samarbeid med HSH og kommunen om auka fysisk aktivitet i skulekvardagen. Dette er også ei nasjonal og kommunal satsing tufta på kunnskap om samanhengen mellom fysisk aktivitet og læring. I samband med dette prosjektet hadde ein invitert sjølvaste "landsfaderen" innan tilrettelegging av uteområde for variert fysisk utfalding: Asbjørn Flemmen. Han er no pensjonert amanuensis frå Høgskulen i Volda der han i hovudsak har jobba med idrettsfag. Flemmen heldt eit engasjerande føredrag om emnet før alle lærarane tok del i ulike fysiske aktivitetar. Dette skulle vera ei "inspirasjonsøkt" som vonleg vil føra til høgare fysisk aktivitet også for elevane i skulekvardagen!

Klikk her >>for fleire bilete!                                                                Tekst og foto: Pål Roseth
 

10.trinnet på vitjing til Aker Kvaerner!
05.februar 2008
 
Ein kald tysdagsmorgon sto me og venta på bussen for å gå på besøk til Aker Kværner Stord. Vel framme vart me teken godt i mot, og fekk eigen guide som viste oss rundt. På grunn av stor aktivitet på området for tida, vart me frakta rundt i buss medan omvisaren fortalte og svara på spørsmål undervegs. I kantina fekk me eit føredrag om bedrifta medan me vart servert bollar og brus. Elevane høyrte interessert på kva som vart fortalt, og det er nok mange av dei som kan tenka seg å koma tilbake som lærlingar. Takk til Aker Kværner Stord for eit fint opplegg, dette var god reklame for bedrifta.

Klikk her >>for fleire bilete!                                                        Tekst og foto: Kristine Vikanes
 

Ordføraren vitjar skulane!
01.februar 2008
 
Torsdag 31.januar hadde me vitjing av vår nye ordførar, Liv Kari Eskeland og "avtroppande" kommunalsjef med ansvar for oppvekst, Atle Bjørn Mæhle. Ordføraren har siste tida vore rundt og helst på dei ulike einingane i kommunen, og no var turen komen til skulane. Rektor og inspektør informerte om skulen, frå elevtal og tilsette, til satsingsområde og samarbeidspartar. Ordføraren synte stor interesse for det som vart drøfta og var særskild opptatt av skulane sitt samarbeid med næringslivet. Dette er også eit nasjonalt satsingsområde, og skulen kunne fortelja om det arbeidet som vart gjort og kva kontaktnett ein har i vårt område. Det var eit hektisk program for dei to gjestene våre, og me inviterte attende til skulen ved eit seinare høve. Kan henda me får ordføraren på vitjing att ved neste elevframsyning eller FAU sin "Open skule" 5.mars? Invitasjon skal i alle høve  sendast! 

Her ser de Liv Kari og Atle Bjørn.              
Miles Davis i midten..      

Me takkar for vitjinga!

 Tekst og foto: Pål Roseth
 

17.januar var 10.trinnet på teatertur til Bergen. For å nytte tida reiste me tidleg frå skulen, slik at me fekk tid til ein tur på Vitensenteret og litt byvandring på eiga hand. Det vart tid til mat, shopping, ein tur med fløybanen og kinobesøk for enkelte. Vitensenteret stimulerte til mykje prøving av ulike aktivitetar, alt frå sykling, dans, klimaforskning, værmelding m.m.

Teateret byrja kl.20 og varte til 23.30. Det svarte til forventningane og me lærarar kunne konstatera at me hadde ein fantastisk kjekk gjeng med på tur. 
 

Klikk her for å sjå fleire bilete>

Tekst og foto: Kristine Vikanes
 

Musikklina på besøk!
14.januar 2008
 
Det nærmar seg tida for å gjera val for framtida for elevane på 10.trinnet! Ulike studieretningar kjem på besøk for å presentera sine tilbod for våre elevar. Sist ut var musikklina ved Stord Vidaregåande skule.

3.klasse på musikklina ved Stord vgs. hadde minikonsert for 10.trinnet ved nus fredag 11.januar. Dei presenterte eit variert utval musikk. Ei gruppe presenterte musikk frå pophistoria dei siste 50 åra, ei gruppe hadde regn som tema og ei gruppe fabulerte kring tema "krig og fred og sånt..". Det heile vart avslutta med ein eigenprodusert låt med mykje trøkk. Stemninga var god under heile konserten. Musikkstudentane klarte å engasjera elevane ved NUS.

Dette var god reklame for musikklina!! 
Klikk her for å sjå fleire bilete>>

 Foto: Øyvind Skogseide og Kristine Vikanes, Tekst: Kristine Vikanes
 

Godt Nytt År!
03.januar 2008
 
Vel møtt til vårsemesteret på Nysæter ungdomsskule! Det var opplagde og glade elevar og lærarar som møttes på første skuledagen i det nye året! Sola har snudd, og me gler oss over å gå lysare tider i møte. Samstundes ligg det store oppgåver og utfordringar og ventar. Ikkje minst for 10.trinnet som har innspurten etter grunnskuleopplæringa framføre seg! Sjølv om me saknar snø og skikkeleg vinter, vil me visa litt vårleg stemning som

 Foto: John Oddvar Løkling, Tekst: John Oddvar Løkling og Pål Roseth

Juleverkstad 07!
20.desember 2007
 
Tradisjonen tru skipar Nysæter ungdomsskule til Juleverkstad to av dei siste skuledagane før jul. I år har elevane kunna velja mellom aktivitetar som julepynt, akvarell, spel/hobby, sløyd, turn, skeiser, klatring, bordtennis, symjing, kafe´m.m. Aktiviteten og innsatsen til elevar og lærarar har vore fantastisk! (Må også nytta høve til å takka Lars Mugaas for innsats i Turnkassen!) Det er kjekt å sjå kva desse ungdomane kan og meistrar også utanfor "klasserommet"! Her på NUS har me mange talentfulle elevar innan dei aller fleste aktivitetane! Ta deg tid til å sjå på bileta! Dette får vera Julehelsinga frå alle oss på Nysæter ungdomsskule!
God jul til alle frå oss!!
Klikk her for å sjå fleire bilete>>

 Foto: Anne Sissel Mugaas, Merete Fjellheim, Pål Roseth, Tekst: Pål Roseth

Ver med på fotokonkurranse!
05.desember 2007
 
På Nysæter ungdomsskule er me no i gang med å laga ÅRBOKA for skuleåret 2007-08! Dette var ei stor-hending sist skuleår, og alle ser fram til at årets ÅRBOK kjem ut. For dei som hugsar det, var det ein fotokonkurranse om beste bilete til framsida av årboka.
Du vert med dette invitert til konkurranse om stiligaste bilete som skal pryda framsida av ÅRBOKA 2007-08! Send biletet til:

 trude.aamot.nus@stord.kommune.no

Frist for å senda bilete er
TORSDAG 20.DESEMBER!!

 Foto: Malena Grov Ottesen, Tekst: Pål Roseth

Oppdatert dieselrock på NUS!!
22.november 2007
Onsdag 21.november hadde NUS vitjing av trioen Hayseed. Konserten var i regi av Rikskonsertane. Elevane fekk høyra ei blanding av drivande funk og riff-basert rock. Musikarane Morten Fredheim-vokal, Terje Kjørlaug - gitar, Endre Hallre - bass serverte musikk inspirert frå legendariske band og artistar som Jimi Hendrix, Deep Purple, The Who, Van Halen, Red Hot Chilli Peppers for å nemna nokre. Stemninga var upåklageleg!!

Fleire bilete her>>>

Foto:Jonas Skaarhaug/Kristine Vikanes. Tekst : Pål Roseth

Levande musikk!
22.november 2007
På Nysæter har me starta opp med opplæring i gitarspel. Det er John Oddvar Løkling som er primus motor og "fagperson" i prosjektet. Han har von om å læra opp nokre av oss andre vaksne på huset, slik at alle elevane skal læra nokre grunnleggjande dugleikar innan gitarspel i løpet av tida på Nysæter. Elevane er særs godt nøgde med tilbodet og innsatsen i timane er framifrå!

Fleire bilete >>>

Tekst og bilete : Pål Roseth

Spreke jenter på Os-cup!
22.november 2007
Det er ikkje alltid det å vinna som er det viktigaste! Det å ta del og gjera sitt beste er like viktig! Desse friske jentene tok turen til Os for å måla krefter på handballbanen mot andre ungdomsskuleelevar frå Hordaland. Det vart ikkje siger, men ei flott oppleving og ein kjekk tur! Godt å ha med ein røynd handballspelar! (..om nokon kjenner att den skjegg-pryda kjekkasen på biletet??)

Fleire bilete >>>

Tekst : Pål RosethBilete: Gisle Hjelmen

Tekst : Pål Roseth

Programfag til val!
07.november 2007
Onsdag 7,november inviterte 10.trinnet til utstilling og framsyning av det dei har jobba med innan Programfag til val i haust. Elevane har vitja ulike vidaregåande skular, for å få eit innblikk i kva dei ulike studieretningane har å by på. Dei har også vore på ulike arbeidsplassar og fått informasjon om kva som ventar dei "der ute" om dei satsar på ei særskild utdanning. Eit av måla med PTV er å redusera talet elevar som vel "feil" studieretning på vidaregåande. Tala frå dei siste åra syner at vel 20% av elevane på vidaregåande sluttar eller skiftar studieretning det første året. Mykje på grunn av at det dei byrja på synte seg å ikkje stemma med dei forventningane dei hadde til studiet. Utstillinga på skulen syner at dei no har gjort eit grundig forarbeide som dei kan tufta vala sine på når dei skal søka vidaregåande til våren ein gong...
For fleire bilete, klikk her>>

Tekst & bilete: Pål Roseth

Onsdag 31.oktober arrangerte klasse 10A Halloweenparty for alle elevane ved NUS . Mange møtte fram og det var god stemning i gymsalen denne kvelden. Det var frivilleg å kle seg ut, men det var mange flotte kostymer å sjå, varulven vann prisen for beste kostyme. Elevane hadde jobba intenst i forkant for å få arrangementet i havn, og det er kjekt når alt går bra. Dansegolvet var stort sett fullt, diskolys og røykmaskin gjorde sitt for stemninga der. I kafeen kunne ein få kjøpt både pizza, kakker, snop og brus. Inntekta frå
kafèsal og inngangspengar skal gå til 10.klassetur.
Me vil retta ei stor takk til alle forledra som har vore med og bidratt med innkjøp, baking og vakthold! Helsing klasse 10A
 

Tekst & bilete: Pål Roseth

Kjekke dagar på NUS!
24.oktober 2007
"Vinden bles..
"Det er surt og vått..
"Peisen treng me no..
-
"Hausten er kald..
"Blada svever av garde..
"Mosen er sur når haren grev..
                Jan Martin, 9A.
Tysdag og onsdag denne veka har NUS hatt vitjing av forfattar Truls Horvei og musikar Roy Ole Førland. Dei har hatt framsyning av konserten "Haikutronics" og sidan verkstad med elevane på 9.steget. Her fekk elevane læra om den japanske diktforma Haiku og laga eigne dikt samt komponera musikk med elektroniske hjelpemidlar. Dei avslutta det heile med mini-konsert for kvarandre på musikkrommet. Det heile var eit tilbod frå "Den kulturelle skulesekken" og var ei fin og positiv oppleving for alle som tok del. Du kan sjå fleire bilete frå elevane sin Workshop  her>>

Lino-trykk med 10A
Sjølv om me diverre har for lite timar til praktiske oppgåver i skulekvardagen, er formingslærarane flinke til å nytta dei høvene som finnes. 10.trinnet har siste tida jobba med lino-trykk. Dei har først jobba med perspektiv og landskapsbilete. Vidare må dei laga ein "negativ", det vil seia eit utskore bilete i lenolium som så skal nyttast som "trykk-plate". Som de ser her, har dei fått godt tak på teknikken. Kanskje nokre komande kunstnarar blant elevane våre?

Sjå fleire bilete  her >>      

Tekst & bilete: Pål Roseth

Det nye FAU finn du her >>>
Det nye Elevrådet finn du her >>

Tekst: Pål Roseth

Nytt barne og ungdomsråd!
21.september 2007
Torsdag 20 september var elevråda frå Stord vidaregåande skule, Stord ungdomsskule og Nysæter ungdomsskule samla på Stord hotell til konferanse. Målet var å stabla på beina eit aktivt og engasjert Ungdomsråd. Sist ein freista å få etablert ungdomsråd i kommunen, lukkast ein ikkje heilt med arbeidet. Her kan du lesa frå eit engasjert møte der dei unge sto fram og tok ansvar!

Les reportasje frå Haugesunds avis

her >>>

Tekst: Pål Roseth Foto: Marius Hope

Kursdag for lærarane!
17.september 2007
Måndag 17.september var det kursdag for alle lærarane ved Nysæter og Stord ungdomsskular. Lærarane som underviser i engelsk og matematikk var samla på Stord ungdomsskule, medan norsk var samla på NUS. Tema for kursdagen var "Bruk av IKT i basisfaga". Lærarane skal gjera seg kjend med presentasjonsverkty og nettstader og øva seg i bruk av desse. Elevar og lærarar nyttar læringsplattforma "fronter". Her kan læraren leggja ut oppgåver og informasjon som elevane kan nå også heimanfrå. Vidare kan elevane levera inn oppgåver og heimearbeid på same nettstaden. Læraren kan soleis retta og gje kommentar "på nettet" og med det skapa ein god prosess i arbeidet. Eit anna

viktig mål med dagen var å samla lærarane frå begge ungdomsskulane i kommunen slik at dei kunne få "dela kunnskap" med kvarandre! Dette var eit etterlengta tiltak som vart verdsett høgt hjå alle deltakarane. No skal ein jobba med oppgåver på dei to skulane utetter hausten, før ein møtes til felles samling att i slutten av oktober. Sjølve prosjektet held fram til februar 08.

Tekst og foto: Pål Roseth

Tekst: Pål Roseth

Info-hefte 07 - 08!
13.september 2007
Skulen sitt Info-hefte er no sendt heim med alle elevane. Her vil de finna informasjon om skulen og tilsette, e-postadresser, reglar og retningsliner, informasjon om eksamen, søknadsskjema for permisjon m.m.  Info-heftet finn du og på denne heimesida. (No i eit format det skal vera råd å opna!!)

Klikk her >> for å lesa Info-heftet.

Nasjonale prøvar.
I haust skal me til med Nasjonale prøvar att. 8.trinnet skal ha prøvar i norsk lesing 29.09,  matematikk 25.09 og engelsk lesing i veke 38 - 39.  Du kan lesa alt om dei nasjonale prøvane her >> Nasjonale prøvar

Bilete: Magne Kjellesvik, (Red. Lars Bakka), Tekst: Pål Roseth, 

Info heim.
Skulen sitt Info-hefte er straks klart til å sendast heim med alle elevane. Her vil de finna informasjon om skulen og tilsette, reglar og rettningsliner m.m.m  de vil også finna Info-heftet på denne heimesida. Her vil me leggja ut informasjon om aktivitetar i klassane, nyhende, viktig info om utviklingsarbeid og mykje meir. (Legg skulen si heimeside inn under "Favorittar" på startsida di!!)
Her er 3 gode representantar for 10.trinnet vårt!!

Nasjonale prøvar.
I haust skal me til med Nasjonale prøvar att. 8.trinnet skal ha prøvar i norsk og engelsk. Du kan lesa alt om dei nasjonale prøvane her >> Nasjonale prøvar

Vil du sjå fleire bilete frå elevane sine turar, klikk Her>>

Tekst Pål Roseth, foto: Kristine Vikanes og Gisle Hjelmen

Det nærmar seg skulestart og mykje skal vera på plass til elevar og lærarar kjem attende etter sommarferien. I sommar har to tidlegare elevar, Anders og Kristoffer, malt nokre klasserom på skulen. Dei har gjort framifrå arbeid! Drift og vedlikehaldsavdelinga har også gjort førefallande arbeid med bygningane slik at elevar og tilsette vil møta trivelege omgivnader når dei kjem attende etter ferien. Me ser fram til at alle er på plass og håpar på ein fin og triveleg haust på Nysæter ungdomsskule. Dette vert første skuleåret der alle skal følgja ny læreplan! Me ynskjer nye og "gamle" elevar og lærarar vel møtt til nytt skuleår!!

Tekst og foto. Pål Roseth

Dei siste skuledagane i året er ikkje alltid lett å fylla med vettig innhald. I år har me nytta det fine veret og skipa til ulike aktivitetar ute. 19. og 20. juni var 8. og 9.steget mellom anna på ein flott tur til fjells. Dei gjekk opp Stordalen og til Mennene. Herfrå kan ein nyta den fine utsikta over Sunnhordland og den vakre Sagvågen - "heimabasen" vår.Noko av det som imponerte aller mest, var at nokre elevar gjekk turen i "SLIPPERS"!! Det er nærast for ekstremsport å rekna!

   Siste skuledagen er det tradisjon for "kose-time", der elevane har med snop og brus. Elevar og lærarar på Nysæter fann ut at ein god felles-frukost var eit betre alternativ! Dei dekka til flott frukost i mediateket og hadde ei flott og "sunn" avslutningsstund samen!

No er det stille på skulen, opprydding og planar for komande skuleår skal på plass. Me vil prøva å få malt og stelt litt i løpet av sommaren, slik at elevane møter trivelege klasserom når dei er attende 20.august. Men det er leeeenge til!

                                                                                                 God sommar!                                                                      Foto: Kristine Vikanes. Tekst: Pål Roseth

Aktivitetsdag!

Fredag 15.juni hadde 10.trinnet aktivitetsdag. Nokre var på sykkeltur til Skogbu på Bømlo, medan andre nytta det fine veret til å utforska Storavatnet frå kano. Kommunen har kjøpt inn ei tralle med 8 - 10 kanoar. Desse gjev elevane høve til fantastiske naturopplevingar i nærmiljøet. Og me er jo så heldige å ha naturperler på rekke å rad rett utom klasserommet! Det var ein særs nøgd gjeng som kom attende etter ein dag med utforsking og opplevingsreis kring øyane i Storavatnet.  

 Fleire bilete>>                                               Foto: John Oddvar Løkling,Tekst: Pål Roseth

Onsdag 13.juni var alle elevane på 10.steget oppe til munnleg eksamen. Dei fekk oppgåvene utdelt måndag morgon kl.09.00 og hadde då 48 timar til førebuing. Elevane vel om dei vil gå opp par-vis eller åleine. Dei kan nytta ulike hjelpemedel og framføringsteknikkar. Det var kjekt å sjå kor godt budde elevane var. Det var heller ikkje noko å seie på kreativiteten....

   Fleire bilete>>                Tekst & foto: Pål Roseth
 

Tradisjonen tru vart det skipa til aktivitetsdag for ny 8.klassingar på Nysæter. Årets 7.klassingar frå Tjødnalio, Sagvåg og Litlabø skular møttes til frukost i Samfunnshuset. Der fekk dei helsa på lærarane sine. Etter frukost var det natursti og aktivitetar kring treningssenteret og Storavatnet. SLT-Terje og voktarbeidarane sto for tilskipinga. Dei retter stor takk til Aker Stord og Leirvik MT for sponsing av tilskipinga!   Fleire bilete>> 

Tekst & foto: Pål Roseth

Historisk hending på Nysæter ungdomsskule i dag! Elevrådet tok initiativet til konserten, der elevar frå fleire trinn tok del. For å markera hendinga, var det gratis is til alle frammøtte! Det høvde godt i det fine veret. Den lune plassen bak mediateket var ei flott ramme for arrangementet. Me vonar dette kan bli eit fast tiltak på skulen vår.

Takk til musikantar og støttespelarar!

 Fleire bilete>>

Tekst & foto: Pål Roseth

Etter hektiske veker med stillesitting, tentamenar og prøvar, var 9.trinnet klare for litt fysisk aktivitet. Dei tre siste timane på fredag 25.mai gjekk turen via Fiskarelva til Isdal. Vêret var med oss denne gongen og sola kjendes varm, turen vart avslutta på Isdal.
Fleire bilete>>

Tekst & foto: Åshild Hinderaker

I år er første året eksamen vert gjennomført digitalt. Det har vore ei stor utfordring at alle elevane i 10. klasse kom opp i samme fag, norsk. Det har gjort at rundt 70 PC-ar skulle brukast samtidig. Men det har gått fint. Og elevane har vore svært nøgde med opplegget.    Fleire bilete frå eksamen>>

Tekst & foto: Åshild Hinderaker