Årsrapport frå elevrådet ved Rommetveit skule, skuleåret 2007/2008

 Fordeling av hand- og fotballbanar:
Fordelinga har stort sett fungert godt dette skuleåret. Må fortsetje med å tildele 1. trinns elevar og 6. trinnsfadrar eit friminutt.

 Elevrådet si storsamling:
Storsamlinga vart avlyst denne hausten. I staden presenterte elevrådet seg på 3. trinnet si samlingsstund i haust. Det fungerte heilt greitt.

 Utemiljø:
Det er viktig at dette vert eit fast punkt på alle klasse-/elevrådsmøta. Me kan vera med på å koma med innspel om kva som kan reparerast/utbetrast, idear til aktivitetar o.l.. Me kan seie noko om korleis me har det i friminutta.

 ZERO:
Dette er òg eit tema som det må jobbast med heile tida. Viktig at alle respekterer STOPP- signalet! Også dei «store» på skulen.

 Turneringar:
Me har hatt kjekke turneringar både i haust og i vår. Har fungert bra med ein vaksen tilstades under turneringane. Kontaktlærar for elevrådet bør fortsetje med det neste år.

 Julehefte:
Arbeidet med Rommetveit skule sitt julehefte må evaluerast før neste jul. Ikkje alle trinn engasjerer seg like mykje i heftet. Elevane synest det er dumt at kvar klasse berre får eit eksemplar.

 Karneval:
Positive tilbakemeldingar etter karnevalet. Kvart trinn fekk litt tid til karnevalsleik og dans i gymsalen. Ikkje pinjata, men utdeling av godteri. Enkelte elevar kunne tenkt seg litt lenger
tid i gymsalen!

 Akekonkurranse:
Blei ikkje gjennomført dette skuleåret. Må gjennomførast på kort varsel dersom det blir nok snø.

 Grand Prix:
Kjekt! Neste år: hugs å «ta scenen fram» slik at artistane får betre plass og vert meir synlege. Det var også eit lite problem med at døra inn til gutegarderoben smekker i lås... vanskeleg for dei som skulle snike seg ut og gjere seg klare til sitt innslag...

 Midttimekino:
Kjekt! Må få dette til også neste år!
 

Referat frå elevrådsmøte måndag 10.03.08 

Sak.1. Evaluering av grand prix

• Kjempebra grand prix!
• Mange veldig gode innslag
• Kvifor drog me ikkje ut scenen? Då hadde alle sett mykje betre
• Døra inn til gutane sin garderobe smekker i lås. Det var vanskeleg for aktørane som skulle snike seg inn i garderoben for å gjere seg klar. Nokon kom seg ikkje inn og nokon kom seg ikkje ut...

Sak 2. Karneval for 1.-4. trinn

• Det vert karneval for 1.-4. årstrinn andre veka etter påske
• Karnevalet vert i gymsalen, og elevane kjem klassevis etter eige oppsett.
• Dersom vêret vert bra, lagar me karnevalstog ute
• Dersom Kari treng hjelp, spør ho elevar frå elevrådet om dei vil hjelpe til.

Sak 3. Turneringar

• Neste turnering vert for 1.-2. trinn. Det vert fotballturnering ute litt ute i april

Sak 4. Ymse

• Det store torgsjakk-spelet er bestilt!
• Nok ein gong kjem det klage på døropnarane i storskulebygget om morgonen! Alt for ofte vert dørene opna for seint!
• Det er vanskeleg å høyre skuleklokka ringe når ein leikar oppe med fotballbanen... Går det an å skru opp lyden? Eller kanskje få ei ekstra klokke i det området?
• Klatrestativet bortanfor skuta er litt øydelagd. Bør reparerast før det vert endå meir øydelagd!
• Nokre elevar vil at klatretreet skal fjernast. Dei meinte det var i vegen og at ingen brukte det. Likevel, treet vert ståande, då det ofte er ungar som har det kjekt der oppe!
• Når det er snø og mange akar i bakken, kan det oppstå små konflikter mellom dei som spelar fotball og dei som akar. Elevrådet ber alle vise omsyn, enten ein akar eller spelar fotball!

Elevrådet ynskjer alle god påske!

Kari