Endra: 09. februar 2007 

MEIR MATTEVEKA

1.-2. trinnet hadde torsdag matte heile dagen. Elevane var delt opp i grupper på tvers, og vitja ulike stasjonar heile dagen. Dei fekk utfordringar innan  problemløysing og kreativitet.

Her er ein liten glytt inn i aktivitetane.

Endra: 09. februar 2007 

MATTEVEKA

Denne veka er skulen med på den nasjonale Matteveka. Heile skulen har matematikk som fokusområde og på ein måte erstattar den Grunnskuleveka som no er borte.
I Matteveka er elevane meir enn vanleg delt opp på tvers av vanlege grupper/klassar. Berre det er spennande og utfordrar til å greia nye situasjonar. Det handlar om sosial kompetanse, noko som er sentralt i Kunnskapsløftet.
Men endå meir handlar det om å tilnærma seg faget Matematikk på ein litt annan måte. Skuleromma er laga om til stasjonar med ulike oppgåver og aktivitetar innan fagområdet. Ulike læringstilar er tilrettelagt.

Siste året har lærarane på skulen hatt fokus på matte og utvikla fleire metodar for innlæring ettersom matte gjerne har blitt eit veldig statisk fag i norsk skule.
Desse mattedagane legg me lærebøkene og pensum heilt til sides og leikar oss med tal, grubleoppgåver og konstruksjonar m.m. Terping og læring av grunnleggande rekneartar er heilt lagt til sides og i staden brukar elevane det dei kan i oppgåveløysing og kreativitet.

Ein runde rundt på skulen viser stor glede hos elevane med denne tilnærminga til faget. Læringsutbytet er neppe målbart etter berre ei veke med slikt arbeid, men mange elevar uttrykkjer at matte er jo gøy. Berre det gir inspirasjon for oss tilsette til vidare variasjon og kreativitet rundt faget.

Under ser du bilete av eit tilfeldigt utval av aktivitetane på 3.-7 trinn.
(1.-2.-trinnet har av ulike årsaker mattefokus berre torsdagen).

16. desember 2005 

VINTERTROLL

Trolla som vart laga i Grunnskuleveka har no kledd seg for vinteren. Dessutan førebur dei seg til jul og har skaffa seg nisseutstyr.
Ser ein godt etter på bileta, kan ein og oppdaga at dei stundom får gjester på besøk.
Klikk på bileta for å sjå dei i full storleik.

17. november 2005

Grunnskuleveka 2005: 

UTSTILLING

I samband med Grunnskuleveka deer tema var EVENTYRDAGAR, vart det laga mykje fint arbeid som er utstilt i gangar og klasserom. Her ser du noko av det

12. november 2005

Grunnskuleveka 2005: 

OPEN DAG

Torsdag hadde me Open Dag som del av Grunnskuleveka. FAU stod for arrangementet og hadde laga postar utandørs som årstrinna besøkte. Innhaldet på postane var forteljarstasjon, bokstavleit  med refleksar og lommelykt, eventyrspørsmål, blindeløype etter tau og eventyrsongar. Ein god del energi vart også brukt til å orientera seg på kartet for å finna postane. Ein stor blom til komiteen som hadde organisert det heile og ei ekstra takk til Per Øystein Kannelønning og Åge Ottesen som stilte opp og deltok i dugnaden.
Etter ein time ute var det godt å koma inn i varme skulerom der klassekontaktane hadde laga til kafear og elevar og lærarar stod for eit lite program.
Overskotet på arrangementet skal gå til naudlidne i Gautemala og Pakistan. Me kjem tilbake med resultatet.
     

07. november 2005

Grunnskuleveka 2005: 

Vårt tema i år er "Eventyrdagar"

Grunnskuleveka er i gong. Elevane er delt opp i grupper og har stasjonar fleire økter til dagen. Gjennomgangstema er eventyr. Aktivitetane er mange innan forming, drama, musikk, forteljing, ute-og inneaktivitetar, data m.m. Ekstra kjekt at me har mange studentar med oss denne veka.

Torsdag er det Open Dag som foreldra har hovedansvar for .

Her ser de bilete frå aktivitar på mandag

07. november 2004

Grunnskuleveka: 
Open dag

Kr 15.944,- til Redd Barna og Barnevakten

Sist torsdag var det Open dag på skulen. Etter opning med tenning av 1000-årsvarden ved elevrådsleiaren, gjekk foreldre, besteforeldre, elevar og søsken til basane der det var ulike program som dokkketeater, konsert med sjølvkomponert musikk, framsyning av sjølvlaga video, osb. Foreldra laga til kafear og elevane selde ting dei hadde laga.Det nye skulekoret hadde to konsertar. 
I Gymsalen hadde ein foreldrekomite laga til media- eksposisjon der ein fekk demonstrert det virvar av sanseinnstrykk me til dagleg vert utsette for. Og ved utgangen fekk alle brosjyrar om barn og internett, gode nettverksreglar etc. Desse er laga av Redd Barna og Barnevakten. Alt i alt ein vellukka ettermiddag med flott samarbeid heim - skule der det kom inn kr 15.944,- som går til arbeidet med å hjelpa barn og unge til å bruka digitale media på ein posisitv måte.

04. november 2004

Grunnskuleveka 2004: 
Veke på tvers

No i grunnskuleveka er heile skulen delt opp i nye grupper med ulike aktivitetar. Tema er kommunikasjon i vid tyding og då skjer alt frå å laga røyksignal, utforma postkort, senda e-post og chatta til samtale, opplesing og billedlege uttrykk.
5.-7. steget har arbeidd i Classfronter med eigne passord. bilete Takk til Høgskulen SH for lån av datalabben !!!

 

Grunnskuleveka

Neste veke er det Gunnskuleveka over heile landet med tema "Ingen utanfor".
Tema passar godt inn i ZERO-prosjektet vårt om mobbing.
På skulen har me program for elevane heile veka der me deler klassane opp i nye grupper på tvers med ulike aktivitetar deler av dagen. Denne veka kjem i forlenginga av Temaveka vår om litteratur.
Stasjonane har litt ulikt innhald , men inneheld aktivitetar knytta til Litteraturopplevingar, drama, musikk, forming, og "ut på tur".

Måndag 03.11 kl 19.30 i Auditoriet på Høgskulen.
Møte for alle foreldre.
Her vil me ta opp Mobbing, informera om Zero-prosjektet og arbeidet på skulen og
Visa ein del resultat frå Mobbeundersøkinga me hadde like før sommaren.

Torsdag 6.nov kl 17.30 til om lag kl 19
Open dag, oppmøte på skuleplassen
Me startar med ein uteaktivitet og går så inn i klasseromma der det m.a. er kafe som klassekontaktane lagar til.
Det blir høve til å synfara det nye Mediateket og Musikkrommet.
Alle med tilknyting til skulen er velkomne, skyldfolk og søsken inkludert.

   [Les meir om grunnskuleveka 2003 her>>]