Teknologi og design
Publisert: Onsdag 13.mai 2009 kl 09:45

3. steget har arbeid med tema Bruer og andre byggverk. Alle gruppene har bygt kvar si bru. Dei avslutta med å sjå kva vekt bruene kunne bera.

Publisert : Torsdag 19.februar kl 14:45

Time for breakfast

3.steget arbeider med ord om mat i engelsk. I dag har me laga Hastverksbollar på kjøkkenet. Etterpå åt me saman. Mange av elevane var flinke til å snakka engelsk når dei bad dei andre om å senda pålegg til dei.

Fløytelåt

Tekst & foto: Kari Almås

Kvar fredag plukkar elevane på skulen boss på uteområdet ved Sagvåg skule. I dag var det tredje steget som hadde jobben. Me var einige om at det er altfor mykje boss på skuleplassen. I dag var det uvanleg mykje boss rundt ballbingen. Elevane har plasthanskar, men dei synest likevel det er ekstra ekkelt å plukka opp sigarettsneipar og snusposar.

Tekst: Brita Flatøy

Etter nissemarsjen passa det godt å gå på kjøkenet og laga peppernøtter. Deigen var så god at me trong ikkje bruka mjøl, så kuletrillinga gjekk som ein leik. Nokre av elevane kjem nok til å eta opp alle kjeksane før dei er heime, mens andre sparer litt så resten av familien får smaka.

Elevane på småskulesteget har vore flinke å lesa, mange har lese mange timar i veka. Den eleven som hadde lese mest på kvart steg, fekk ei bok i premie. i tilegg trekte me bøker mellom dei andre elevane, slik at det var 6 elevar som gjekk heim med ein bokpremie. Elevane fekk diplom.

I dag har småskulesteget hatt samling i amfiet. Haust var temaet for samlinga denne gongen og elevane på dei ulike stega hadde førebudd seg godt. Me fekk høyra både fine songar og flotte dikt. Hallvard og Solveig frå 2.steget gjorde ein glimrande jobb som programleiarar! Fleire bilete>>

Tekst: Anne Brit Holm Foto: Liljan V. Waage

3. steget har teikna med kolstiftar i dag. 

3. steget har vore på tur i dag. Me hadde med målehjulet og måla forskjellige avstandar. Dei nysteikte lappane smaka godt, med og utan sjølvlaga bjørnbærsyltetøy.

I dag har 3.steget vore på formingssalen og malt bilete. Dei fekk sjå eit haustbilete til inspirasjon. Elevane fekk gult, raudt, blått og kvitt på paletten. Måleria er ikkje ferdige enno, men det ser ut til å bli mange flott resultat til slutt. Fleire bilete>>

3. og 4.steget var på tur til Rutle-tjødno onsdag. Me studerte planter, småkryp og småfiskar i vatnet. Mange elevar hadde håvar med seg og fann mykje interessant. Rutle er ein flott plass, og me er svært glade for at me fekk lov å vera der med så mange elevar.

I det fine veret fredag tok 3.steget malesakene med seg ut. Elevane malte bilete av skog, sol og blå himmel.