Frosk + vassløparar + 5. klasse = sant
Publisert: 1.juni 2011 kl 09.30

Tysdag 31. mai var 5. klasse tur til Rutle. Klassen arbeider med tema 'Vatn' for tida, og elevane var ivrige og fann mange ulike småkryp som lever i vatn. Me fiska ikkje, så det vart pølser på grillen. Ei andemor med åtte ungar kom då me hadde matpause, så ho fekk det siste pølsebrødet. Takk til eigarane i Rutle som let oss få bruka det flotte området!

Tekst & foto: Aasne H Vikanes

Stor aktivitet i gruvene på Litlabø!
Publisert: 26.mai 2011 kl 17.00

Elevar frå 5. klasse på Litlabø og Sagvåg skule har fått flott omvising i gruvene i dag. Me har køyrd med tog og gått ein lang tur inne i gruvegangane. Elevane var interesserte og hadde mykje dei lurte på. Mennene i Venelaget for Gruo var kjekke omvisarar!

Tekst & foto: Aasne H Vikanes

Fine forkle og flinke elevar!
Publisert: Fredag 13.mai 2011 kl 10.30

No har alle elevane i 5. klasse sydd ferdig forkleda sine. Dei vart kjempeflotte! Dei kan me bruka i Mat og helse i 6. klasse. Det vert kjekt!
Sjå heile biletet

Tekst & foto: Aasne Vikanes

Det var god innsats  av 5. og 6. klasse i Fredsstafetten i år. Kjekt å sjå på for dei som var tilskodarar,sjølv om ikkje laga frå Sagvåg var i teten i år. Det var mange som heia laga fram, både klassekameratar og vaksne.

Tekst: Kjell Byrknes
Foto: Torleif Værøy /Kjell Byrknes

Temadag om samane
Publisert: Tysdag 3.mai kl 15.15

I dag har 4. og 5.klasse vore så heldige å få vera med på "samisk dag"  i regi av Friluftsrådet. "Samisk dag" er ein del av den" naturlege skulesekken" og det var Knut Arild Sørensen frå friluftsrådet som stod for opplegget. Me starta dagen med å laga sameleir ved Storavatnet og elevane fekk læra å setta opp lavvuar. Etterpå hadde elevane ulike aktivitetar der dei lærte å kasta lasso, driva med Sami duodji (samisk handverk) og elevane fekk også laga ein samisk matrett som heiter Biddus. Dette var ein veldig kjekk og kunnskapsrik dag!

Tekst: Anne Brit Holm Foto: Anne Brit Holm m.f.

5. klasse var ute og laga brakeknaggar. Det gjekk med eindel plaster, men det vart fine knaggar.
Fleire bilete

6 minutt og 8 sekund!
Publisert: Tysdag 5.april kl 18.30

Mellomsteget har hatt matematikkdag. Det har vore stor aktivitet på huset. Volum, tid og kombinatorikk var tema i år.
6 minutt og 8 sekund var  rockeringrekorden til Magnus!

Fleire bilete   

Tekst: Anne Elisabeth Trevland Foto: Lærarane i 5.-7.kl

Bjørnstjerne Bjørnson

Med: Distriktsmusikarane og biblioteket
For: 5. - 6. årstrinn

Biografi: Barndom, ungdom, manndom Forfattarskap: Lyrikk, forteljingar, romanar, skodespel. Smakebitar frå forfattaren sin produksjon Innblikk i Bjørnson sitt allsidige samfunnsengasjement i inn- og utland og den viktige rolla han spelte i oppbyggjinga av Noreg som nasjon.

Onsdag 15. desember hadde 5. - 7. klasse uteaktivitetar siste del av dagen. Elevane vart delte i lag på tvers av klassane og me hadde 50-leiken. Etterpå smaka det godt med varm saft og spidda pølser.
5.kl  6.kl 7.kl

Tekst: Aasne H Vikanes  Foto: Kjell Byrkenes

I dag var siste dagen musikkstudentane våre var her. Det markerte me med huskonsert der elevane i 2,5, og 6.klasse fekk visa litt av det dei har jobba med. Etterpå viste studentane litt av det dei driv med innan sang og musikk på Høgskulen.  Dei kompa oss og på fellessongane. Veldig kjekt med ekte musikk. Takk til studentane for kjekke veker!

Tekst & foto: Egil Petterteig

Leseveker for mellomsteget
Publisert: Torsdag 25.november 2010 kl 09.00

5.,6. og 7. klasse har hatt leseveker i 2 veker. Me har hatt stasjonar på tvers av klassane, og elevane har lese mykje, dramatisert, lytta på lydbøker, laga eigne bøker og sett filmen "Pitbull Terje". 

Tekst & foto: Kari Myhre

Den siste veka har elevane i 5. klasse gjort forsøk med magnetar. Elevane har vore ivrige, og gjort mange forsøk. Dei har òg arbeidd med jordmagnetisme og himmelretningar. Det vart mange fine kompassroser på asfalten og på papir.
 

Annbjørg og Aasne

SOPP ER TOPP!
Publisert: Onsdag 1.september 2010 kl 19:00

Me hadde ein kjekk sopptur med fantastisk kjekke ungar. Soppsuppa smakte veldig bra i år også. Comeniusbamsen fekk også vere med på tur.

5.kl  6.kl  7.kl

Tekst: Lars Bakka Foto: Lærarane på mellomsteget

Nytt skuleår og nytt tema

I dag har 5. klasse vore i området ved sykkelstien og leita etter småkryp. Denne gongen konsentrerte me oss om å finna dei smådyra som kallast nedbrytarar. Det vart òg tid til å plukka bær før me gjekk tilbake til skulen.

Tekst & foto: Aasne H Vikanes