Ved Sagvåg skule vart det hausten 2003 utarbeidd målark for norskfaget på alle klassestega. I løpet av skuleåret vert det også laga målark i matematikk og engelsk.

Kva er "målark"?
Eit er målark  eit ark som konkretiserer kva mål ein har sett seg for den enkelte eleven, eller elevgruppa si læring.
Årsaka til at det vert utarbeidd slike ark er at ein lettare skal kunna sjå til at den einskild eleven får tilpassa opplæring.

Målarkheftet til 1. til 4.årssteg>>

Hans er 9 år i mai, og har gått 4 år på Sagvåg skule. Etter at elevane ved Sagvåg skule flytta over til den nye skulen i januar 2005, har Hans fått litt lengre skuleveg, men kva gjer vel det når vegen er trygg og skulehuset er nytt og fint.

Då Hans tok til på skulen hausten 2004 gledde han seg til å få visa kor flink han var til å rekna. Allereie då Hans var 4 år kunne han seie alle tala på bilskilta, men dei to bokstavane først på skiltet var det verre med. Kanskje ikkje så rart, det er trass alt 29 bokstavar i alfabetet og berre 10 ulike tal i talsystemet vår.
Interessa for tal og rekning har Hans teke med seg. Då han var fem år kunne han rekne ganske greitt med tala frå 1 til 10, og før han tok til på skulen hadde han ingen problem med addisjon og subtraksjon med to siffer. 

Foreldra var stolte av Hans, og det hadde dei all grunn til. Likevel vart skulestarten for Hans ein liten nedtur. Vel og bra at han fekk vise kor flink han var i matematikk, og han viste allereie den første hausten at han hadde nådd måla i heile malark nr 1 i matematikk, og i februar tok han som første elev på alderssteget til med målar 2 i dette faget. 

Det var norskfaget som gjorde skulestarten til ein nedtur. Det to bokstavane først på bilskilta såg ut til å fylgje etter Hans. Ikkje likte han dei, og han kjente dei ikkje att når han såg dei. Mange av elevane i gruppa til Hans kunne både lesa og skriva då dei tok til på skulen. Hans kunne berre "sin bokstav" H, men der var det også stopp. Når no lærarane kom "drassande" med ein ny bokstav mest kvar veke vart det reint for mykje for Hans. Det gjekk med andre ord seint med skrive og leseopplæringa. Foreldra tok også til å bli noko urolege, men dei vart rolegare då dei fekk høyre at det ikkje var så uvanleg at det kunne vara eit par år i skilnad på kor flinke elevane i ei aldersgruppa var på dette området. Hans, som eller er ein gløgg gut, vil heit sikkert "knekke" lesekoden om han får tida til hjelp.

-------------

No har Hans gått fire år på skulen, og me er komne fram til våren 2010. Hans er framleis i basearealet til småskulen, og i "fellesfaga" som t.d. samfunnsfag, historie og kunst og handverk er hans saman med medelevane som alle ha gått fire år på skulen. Når elevane har stasjonsarbeid med kjernefaga norsk, matematikk og engelsk legg Hans merke til  at han i norsk og engelsk arbeider med oppgåver som mange av dei yngre elevane også gjer. Det er til og med nokre jenter i "engelskkroken" som går i 1.steget som gjer det same som han. Nei, då er det kjekkare i matematikk-kroken. Der er Hans i full gang med oppgåver som det mest er berre han som får rekna på småskulesteget. 

Sjølv om kontaktlæraren til Hans legg stor vekt på å gje guten støtte og oppmuntring i dei aktivitetane Hans meistrar, veks det no fram ein aukande uro med tanke på lesefarten til Hans. Rett nok kan Hans lesa, men det går smått, og han lyderer seg gjennom lesearbeidet og peikefingeren føl ord etter ord. Heimen melder at den delen av leksa Hans ikkje for til til å gjera i leksetida på skulen, går det tungt med heime. Hans seier ofte at han "hatar" historie, samfunnsfag og norsk, med andre ord fag som krev lesefart og -dugleik. 

Våren dette fjerde skuleåret tek kontaktlæraren til Hans saka opp med foreldra og Hans i utviklingssamtalen. Læraren er redd for at ha vil oppleva at mangelen på lesedugleik vil gå ut over alle dei andre faga, også matematikk som til no har vore plankekøyring for Hans. Kontaktlæraren veit at kravet til lesedugleik i matematikkfaget aukar utover på mellomsteget og i ungdomsskulen, og om Hans ikkje får eit løft når det gjeld lesedugleik, vil han snart oppleva eit dobbelt nederlag, både i "lesefaga" og i matematikk. Då kan Hans raskt utvikle eit meir negativt forhold til skulen og eiga læring og meistring.

Korleis gjekk det med Hans?
Det skal me ikkje gje svaret på her. Poenget med historia er å visa at Hans med hjelp av kontaktlæraren og dei verktya han har, m.a. målarka, får ei opplæring som er skreddarsydd for Hans. Han får med andre ord tilpassa opplæring. Dette tyder ikkje at alt går av seg sjølv, med det tyder at den opplæringa Hans får er skreddarsydd til Hans.  Om Hans no prioriterer lesekurs med fleire timar knytt til dette, så bør han få større framgang i alle fag, også matematikkfaget.............